(ගයාන් සූරියආරච්චි සහ වත්තල ස්ටැනිස්ලස් පයස්)
යුද හමුදාව සහ ශ්රී ලංකාවේ ඉන්දීය මහ කොමසාරිස් කාර්යාලය සහයෝගීතාවයෙන් රාගම රණවිරු සෙවණ යුද හමුදා පුනරුත්ථාපන මාධ්යස්ථානයේදී නිෂ්පාදනය කළ කෘත්රිම අත් පා යුද හමුදා සාමාජිකයන්ට සංකේතාත්මකව බෙදාදීම ආරක්ෂක රාජ්ය අමාත්ය ප්රමිත බණ්ඩාර තෙන්නකෝන් මහතාගේ ප්රධානත්වයෙන් පැවැත්විණ.
එහිදී යුද හමුදා සාමාජිකයින් 04 දෙනෙකු වෙත සංකේතාත්මකව කෘතිම අත් පා පරිත්යාග කිරීම සිදුකෙරුණු අතර කෘතිම අත් පා නිෂ්පාදනය කිරීම සඳහා විශේෂඥ දැනුම ඉන්දිය ජාතකයින් 8 දෙනෙකුගේ සම්පත් දායකත්වයෙන් ලබාදී තිබේ.
අවශ්යතා සහිත යුද හමුදා සාමාජිකයින් 375 දෙනෙකු සඳහාද ගුවන්, නාවික හා පොලිසියේ සාමාජිකයින් 75 දෙනෙකු වෙනුවෙන්ද කෘතිම අත් පා බෙදා දීමට නියමිත අතර ඊට අමතරව සිවිල් වැසියන් 200 දෙනෙකු සඳහාද කෘතිම අත් පා බෙදාද දීම සඳහා සැලසුම් කර ඇති බව යුද හමුදාව පවසයි.
මෙම අවස්ථාවට ශ්රී ලංකාවේ ඉන්දීය මහ කොමසාරිස් සන්තෝෂ් ජා, ආරක්ෂක අමාත්යාංශයේ ලේකම් ජෙනරාල් කමල් ගුණරත්න (විශ්රාමික) සහ යුද හමුදාපති ලුතිනන් ජෙනරාල් විකුම් ලියනගේ හා රාගම රණවිරු සෙවණේ සේනාවිධායක ඇතුළු යුද හමුදා සාමාජිකයෝ පිරිසක් සහභාගී වූහ.
