(පාලිත ආරියවංශ)

බෝතල් කටුවකින් ඇන සිය පියා ඝාතනය කළේ යැයි සැකපිට ඔහුගේ පුතා අත්අඩංගුවට ගත් බව කහටරුප්ප පොලිසිය පවසයි.

මේ සිද්ධියෙන් මරණයට පත්ව ඇත්තේ , බදුල්ල කැන්දගොල්ල දඹගස්ගොඩ පදිංචිව සිටි 56 හැවිරිදි රෝහල් කම්කරුවෙකි .

අවුරුදුදා රාත්‍රී 7.00 ට පමණ මරණකරු බීමත්ව පැමිණ බිරිදට උදල්ලකින් පහරදීමට උත්සාහ කළ අවස්ථාවේ සැකකාර පුත්‍රයා එම උදළුපහර වලක්වා බෝතලයක් කඩා මරුණකරුට ඇන ඇති බව විමර්ශන වලදී අනාවරණය වූ බව පොලිසිය සඳහන්කළේය.

තුවාල කරු බදුල්ල මහ රෝහලට ඇතුලත් කිරීමෙන් පසු තත්වය අසාධ්‍ය නිසා මහ නුවර මහ රෝහලට මාරුකර යවා ඇති අතර එහිදි අද (15) දා ඔහු මියගොස් තිබේ.