(ඩී.ජී.සුගතපාල)
උණවටුන එරමුදුගහ හන්දියේ රථ වාහන රාජකාරියේ යෙදි සිටි පොලිස් කොස්තාපල්වරයෙකුට පහරදි පලා යාමට උත්සාහ කල යතුරුපැදි කරුවෙක් අත් අඩංගුවට ගත් බව හබරාදුව පොලිසිය පවසයි.
මෙසේ අත් අඩංගුවට ගෙන ඇත්තේ උණවටුන මැටරඹ කැකුලන්ඕවිට පදිංචි 30හැවිරිදි පුද්ගලයෙකි.
හබරාදුව පොලිසියේ කොස්තාපල්වරුන් දෙදෙනෙකු ඊයේ සවස උණවටුන එරමුදුගහ හන්දියේ රථ වාහන රාජකාරියේ යෙදි සිටියදි ගාල්ල දෙස සිට මාතර දෙසට පැමිණි යතුරු පැදියක් නවතා පරික්ෂා කිරිමේදි එම යතුරු පැදියට රක්ෂණ ආවරණයක් නොමැති බවට අනාවරණයවි ඇත.යතුරුපැදි කරුට එම වරද කියා දිමේදි බහින් බස්වි කලහකාරි තත්වයක් සිදුව ඇත.
එහිදි කොස්තාපල්වරයෙකුගේ මුහුණට තුවාල සිදුවඇති අතර පසුව සාපරාධි බලහත්කාරයපා රාජකාරියට බාධා කිරිමේ චෝදනාව යටතේ යතුරු පැදිකරු අත් අඩංගුවට ගෙන ඇත.
