(සුජිත් හේවාජුලිගේ සහ අංජුල මහික වීරරත්න)
විදුහල්පතිවරුන්ගේ සහ ගුරුවරුන්ගේ වැටුප් ඉහළම ශ්‍රේණි දහය අතරට ගෙනවිත් තිබෙන බව අග්‍රාමාත්‍ය, අධ්‍යාපන උසස් අධ්‍යාපන හා වෘත්තීය අධ්‍යාපන අමාත්‍ය හරිනි අමරසූරිය මෙනෙවිය පාර්ලිමේන්තුවේදී අද (25) පැවසුවාය
ඇය මෙසේ පැවසුවේ අයවැය දෙවැනි වර කියවීමේ විවාදයේදීය.
වැටුප් වැඩි කිරීම සමග වැටුප් ශ්‍රේණි අතර හත්වෙනි ස්ථානය විදුහල්පතිවරුන්ටත් අටවැනි ස්ථානය ගුරුවරුන්ටත් ලබා දී ඇති බව අගමැතිවරිය කීවාය.
විදුහල්පතිවරුන්ගේ වැටුප රුපියල් 30105කින්ද ගුරුවරුන්ගේ වැටුප රුපියල් 25360කින්ද වැඩි කර ඇති බව ඇය ප්‍රකාශ කළාය.
