(ඩී.ජී.සුගතපාල)
අහංගම නගරයේ ව්‍යාපාරිකයෙකු පැහැරගෙන යමින් සිටියදී දක්ෂිණ අධිවේගී මාර්ගයේදී අත්අඩංගුවට ගත් පුද්ගලයින් තිදෙනා අධිකරණයට ඉදිරිපත් කිරීමෙන් පසු 22 වැනි දින දක්වා රක්ෂිත බන්ධනාගාර ගත කිරීමට ගාල්ල ප්‍රධාන මහේස්ත්‍රාත් හර්ෂණ කැකුණවෙල මහතා අද(16) නියෝග කළේය.
සැකකරුවන් තිදෙනා හංවැල්ල සහ රණාල පදිංචිකරුවෝ වෙති.
අහංගම නගරයේ බෑග් ව්‍යාපාරිකයෙකු ඊයේ (15) සවස මෝටර් රථයකින් පැහැරගෙන යමින් සිටියදී ඉමදුව පොලිස් මුර පොළේ නිලධාරින් විසින් අත් අඩංගුවට ගෙන අහංගම පොලිසිය වෙත බාරදි තිබිණි.
අහංගම දෙස සිට පැමිණි මෝටර් රථයක් ඉමදුව පිවිසුමෙන් දක්ෂිණ අධිවේගි මාර්ගයට ඇතුලු කිරිමට උත්සාහකල අවස්ථාවේ එහි පොලිස් මුරපොලේ රාජකාරියේ සිටි නිලධාරින් විසින් සැකපිට මෝටර් රථය පරික්ෂා කිරිමේදි අනාවරණයවි ඇත්තේ පුද්ගලයෙකු පැහැර ගෙන යමින් සිටින බවය.
ඒ අනුව මෝටර් රථය සහ සැකකරුවන් තිදෙනාද පැහැරගැනිමට ලක්වු ව්‍යාපාරිකයාද අත් අඩංගුවට ගෙන වැඩිදුර පරික්ෂණ සඳහා අහංගම පොලිසියට බාරදි තිබිණි.
පරීක්ෂණවලදී අනාවරණයවි ඇත්තේ මෙම පැහැරගැනීම මුදල් ආරවුලක් මත සිදුව ඇති බවය.
