පැවරෙන බරපතල වැඩට සරිලන පරිදි ආකර්ශනීය වැටුප් ක්‍රමයක් නොළැබේ නම් සෞදි අරාබියාව ඇතුළු බටහිර ආසියාවට ගෘහ සේවිකාවන් යැවීමට ශ්‍රී ලංකාව තව දුරටත් උනන්දුවක් නොදක්ව බව ශ්‍රී ලංකා විදේශ සේවා නියුක්ති කාර්යංශයේ නියෝජ්‍ය කළමනාකරු මංගල රන්දෙනිය ඇරැබ් නිවුස් සමග පැවසීය.
සෞදි අරාබිය ලංකා ගෘහ සේවිකාවනට ඉහළ වැටුප් සහ රැකියාවේ ආරක්ෂාව සලසන්නේ නම් එරටින් කරන ඉල්ලීම් සලකා බැලීමට සූදානම් බව ද රන්දෙනිය කියයි.
තවත් ගෘහ සේවිකාවන් එතෙර යවන්නට පෙර ද්වී පාර්ශික ගිවිසුමකට එළැඹීමට නියමිත බවත් එවැනි ගිවිසුම්වලට සෞදි අරාබියේ කම්කරු අමාත්‍යංශයේ අනුමැතිය ලැබිය යුතු බවත් ඔහු කියයි.
එවැනි ගිවිසුම් අවශ්‍ය වනුයේ හිරිහැර කිරීම් වැටුම් නොගෙවීම් හාම්පුතුන් විසින් ගෘහ සේවිකාවන් මරා දැමීම්, සියදිව නසා ගැනීම්, අනතුරු ආදිය ඉහළ යෑම නිසා බව ඔහු පවසයි.
‘කාන්තාවන් ගෘහ සේවිකාවන් ලෙස එතෙර යෑම අපි අනුමත කරන්නේ නෑ. නමුත් එක්වරම එය අපට නතර කළ නොහැකියි. ඔවුන්ගේ හැකියා හා දක්ෂතා වර්ධනය කර වඩාත් හොද රැකියා අවස්ථා සැලසීමට අපි උත්සාහ ගන්නවා.
2020 වන විට ශ්‍රී ලංකාවෙන් එතෙර යන ගෘහ සේවිකාවන්ගේ සංඛ්‍යාව සියයට අසූවේ සිට අනූව දක්වා ප්‍රමාණයකින් අඩු කිරීමට අපි බලාපොරොත්තු වෙනවා.
දැනට සෞදි අරාබියේ ශ්‍රී ලාංකික කාන්තාවෝ තුන් ලක්ෂයක් පමණ සිටිති.
සෞදියට යන ගෘහ සේවිකාවකගේ අඩුම වයස අවුරුදු 25ක් විය යුතු බවත්, අවම මාසික වැටුප සෞදි රායාල් 900ක් (රුපියල් 31926.89 ) කියති.
එතෙර යන කතකට දින 21ක නේවාසික පුහුණුවක් ලබා දෙන බවත්, ‘ගෘහ සේවිකාව‘ යන තනතුර වෙනුවෙට ‘ගෘහ පාලක සහකාරිය‘ යන තනතුර ගමන් බලපත්‍රයට ඇතුළු කරන බවත් කියයි.
