ශ්‍රී ලංකාවට යුද නැව් දෙකක් සැපයීමට ඉන්දියා මධ්‍යම ආණ්ඩුව ගත් යෝජනාවට තමා විරුද්ධ බව ඉන්දියාවේ නාවික ඇමැති ජී කේ වාසන් විරෝධය පල කරයි.
මෙම නැව් ශ්‍රී ලංකාවට නොවිකුණන ලෙස අගමැති මන්මෝහන් සිංගෙන් ඉල්ලන බව පෞද්ගලික සාදයකදී වාර්තාකරුවන් සමග ඔහු පැවසීය.
13 වැනි ආණ්ඩුක්‍රම ව්‍යවස්ථා සංශෝධනය දියාරු නොකර ක්‍රියාත්මක කර දෙමළ ජනයාගේ නීත්‍යනුකූල අයිතිවාසිකම් සුරකින ලෙස ලංකාවට බල කරන්නැයි ඔහු අගමැති සිංගෙන් ඉල්ලයි.
ශ්‍රී ලංකාවේ පැවැත්වෙන පොදු රාජ්‍ය මණ්ඩල රාජ්‍ය නායක සමුළුව වර්ජනය කරන ලෙස ද ඔහු මීට කලින් ඉන්දියා රජයට කරුණු කියා සිටියේය.
යුද නැව් විකිණීම ගැන තමිල්නාඩු මහ ඇමැතිනී ජයලලිතා ද සිය කම්පාව පළ කළාය.
