(මුදිතා දයානන්ද)

2015 -2019 කාලවකවානුවේ දී හිටපු සෞඛ්‍ය ඇමැතිවරයකු හා රාජ්‍ය ඇමැතිවරයකු  ඔවුන්ගේ කාර්ය මණ්ඩලයට හිමි වාහන ප්‍රමණය ඉක්මවා  වාහන 24ක් භාවිත කර ඇතැයි විගණන වාර්තාවක් කියයි.

ඒ අනුව සෞඛ්‍ය කැබිනට් ඇමැතිවරයා වාහන දහසයක් ද රාජ්‍ය අමාත්‍යවරයා වාහන අටක් ද වැඩිපුර භාවිත කර ඇති බව එම වාර්තාවේ සඳහන් වේ.

එම වාර්තාවට අනුව ඇමැතිවරුන්ට හිමි ඉන්ධන කෝටාව ඉක්මවා මෙම කැබිනට් ඇමැතිවරයා ලක්ෂ 20ක ද රාජ්‍ය අමාත්‍යවරයා ලක්ෂ 40ක ද අමතර වාර්ෂික ඉන්ධන දීමනාවක් ලබාගෙන ඇතැයි ද එම වාර්තාවේ සඳහන් වේ.

මේ සම්බන්ධයෙන් මෙතෙක් කිසිදු විමර්ශනයක් සිදුකර නැති බව ද එම විගණන වාර්තාවේ සඳහන් වේ.