රතුපස්වල ළිං ජල ප්‍රශ්නය සම්බන්ධයෙන් වැලිවේරියේ පැවති උද්ඝෝෂණයේදී ඇතිවූ ගැටුමෙන් වෙඩි වැදී මිය ගිය උඩුගම්පොල ශාන්ත පීතර විද්‍යාලයයේ රවිෂාන් පෙරේරා (18) සිසුවගේ දේහය පෙරවරු 10.50ට පමණ වැලිවේරිය බණ්ඩාරවත්තේ නිවසට ගෙන ආවේය.
වාහනයකින් ගෙන ආ දේහය නිවස තුළට ගෙන ගියේ රවිශාන්ගේ මිතුරන් විසිනි.
වැලිවේරිය මීසම භාර ලක්ප්‍රිය නෝනිස් පියතුමා ඇතුළු කතෝලික පියවරු සිව් දෙනෙක් යාඥා කරමින් ආගමික වතාවත් සිදු කළහ.
රවිශාන් ගේ පාසැල් මිතුරන්, ගුරුවරුන් ඇතුළු විශාල පිරිසක් අවසන් ගෞරව දැක්වීම සදහා පැමිණ සිටි අතර එක්සත් ජාතික පක්ෂ පාර්ලිමේන්තු මන්ත්‍රී රුවන් විජයවර්ධන මහතාද පැමින රවිශාන්ගේ දේහයට අවසන් ගෞරව දැක්වීය. .
බදාදා (7) සවස හතරට වැලිවේරිය රෝමානු කතෝලික සුසාන භූමියේදී අවසන් කටයුතු සිදු කිරීමට නියමිතය.
