(එම් කේ. නන්දසේන)

වත්තල සිට  කතරගම පැමිණෙමින් සුඛෝපභෝගී මෝටර් රථයක්  තම්මැන්නාව මැණික් වල සීමාව හංදීයේදී හදිසියේ ගිණිගෙන විනාශවී ඇතැයි කතරගම පොලීසිය කියයි.

මෙම මෝටර් රථය රුපියල් ලක්ෂ 210 ක් පමණ වටිනාකමක් ඇතැයි රියදුරා පොලීසියට පවසි ඇත.

වත්තල, එඩෙරමුල්ල, දුම්රිය පොල පදිංචි පුද්ගලයකු සිය මිතුරකු ද සමගින් අධිවේගී මාර්ගය ඔස්සේ මත්තල ලුණුගම්වෙහෙර හරහා කතරගම බලා පැමිණෙමින් සිටියදී රාත්‍රී 11ට පමණ මෝටර් රථයේ දකුණු දෙසින් දුමක් මතුවී ගිනි ගත් බවත්, මෝටර් රථය නතර කොට මිතුරාත් සමග එලියට පැන ගත් බවත්, ඔවුන් දෙදෙනාට කිසිදු අනතුරක් නොවූ බවත් කතරගම පොලිසියට ප්‍රකාශ කොට ඇත.