(අංජුල මහික වීරරත්න සහ සුජිත් හේවාජුලිගේ)
ආණ්ඩුව ,පෞද්ගලික අංශය,ගොවි ජනතාව විදෙස්ගත ජනතාව ආදී සියලුම පුරවැසියන් ඒකාබද්ධ වී පොර බැදුවොත් වසර දෙක තුනෙන් මේ අර්බුදයෙන් ගොඩ එන්න පුළුවන් බව කොළඹ දිස්ත්රික් මන්ත්රී අනුර දිසානායක මහතා (ජාජබ) පැවසීය.
රටේ සියලු ජනතාව එලෙස ඒකාබද්ධ කරන්න නම් ජනතාවගේ වරමින් ආණ්ඩුවක් පිහිටුවා ගත යුතු බවද එසේ කළහොත් ජනතාව රටෙි ප්රශ්න විසඳීමට වසරක් දෙකක් පමණ ආණ්ඩුවට කාලය ලබා දෙනු ඇති බවද අනුර දිසානායක මහතා කීය.
වත්මන් ජනාධිපති තෝරාගෙන තිබෙන්නේ ජනතාව විසින් නොවේ යැයිද එමෙන්ම රනිල් වික්රමසිංහට එරෙහිව ලැබුණු ජනවරමකින් රනිල් වික්රමසිංහගේ ආණ්ඩුවක් හැදීම ජනවරමට පටහැනි යැයිද අනුර දිසානායක මහතා කීය.
අතුරු අයවැය ද ජනවරමට ප්රතිපක්ෂ අයවැයක් බවත් අර්බුදයෙන් ගොඩ ඒම සඳහා ජනවරමක් අවශ්ය අතර දැන් ජන වරමක් නැති පාවෙන මිනිස් පුළුටු ටිකක් පැමිණ රට පාලනය කරන බවද අතුරු අයවැය විවාදයට එක්වෙමින් අනුර දිසානායක මහතා කීය.
