විස්සයි විස්ස ක්‍රිකට් තරගයට පසු මිරිස්සේ මළගෙයක් ඇතුළු ගෙවල් 10-15කට පමණ අලාභ හානි කර ඇතැයි පොලීසිය කියයි. ධීවරයෝ ඇතුලු 800ක් පමණ දෙනා වෙරළ ආරක්ෂක බලකා මූලස්ථානය අසලට රැස්ව ඇත්තේ එම නිවාසවලට පහරදුන් පිරිස අත්අඩංගුවට ගන්නැයි කියමිනි. ගෙවල්වල ජනෙල්වලට මෙන්ම බඩුමුට්ටු වලටද හානි සිදුකොට ඇත. සාමය රැකීම සඳහා පොලීසියට අමතරව ගාල්ලෙන් නාවික හමුදාව කැඳවා ඇත. මිරිස්සේ සිද්ධියක් වී ඇති නමුත් එහි නිවැරැදි තොරතුරු නොදන්නා බව  වෙරළාරක්ෂක බළකායේ ලුතිනන් කමාන්ඩර්  බුලේගොඩ ආරච්චි කියයි. මේ ගැන සෙවීමට කොළඹින් පිරිසක් එන බවද ඔහු කියයි.