ඕස්ට්‍රේලියාවේ වික්ටෝරියාවේ බෙරික් ශාක්‍යමුණි සම්බුද්ධ විහාරයේ කඨින මහා පින්කම,   ඕස්ට්‍රේලියාවේ සංඝනායක විහාරාධිපති දිගාමඩුලලේ විමලානන්ද නාහිමියන්ගේ අනුශාසකත්වයෙන් සහ ශ්‍රී ලාංකිකයන් හා ඕස්ට්‍රේලියා ජාතිකයන් සහාභාගීත්වයෙන් සිදු විය. අපවත්වී වදාළ ගංගොඩවිල සෝම හිමියෝ මේ පන්සල පිහිටැවූහ. වික්ටෝරියාවේ බෞද්ධ කටයුතු පිළිබඳ ප්‍රධානී ජුලියන් බැම්ෆෝර්ඩ් මහතා සමග ඕස්ට්‍රේලියා ජාතිකයන් සාදුකාර මැද්දේ කඨින චීවරය රන්සිවි ගෙයක් මත තබා රැගෙන යාම ද සිත් ගත් දසුනක් විය.