( තිළිණි ද සිල්වා සහ රංජන් කටුගම්පොළ )
ප්රමාණවත් බුද්ධි තොරතුරු ලැබී තිබියදීත් පාස්කු ඉරුදින එල්ල කෙරුණු ත්රස්ත ප්රහාර මාලාව වළක්වා ගැනීමට හිටපු ආරක්ෂක ලේකම් හේමසිරි ප්රනාන්දු, පොලිස්පති පූජිත් ජයසුන්දර කටයුතු නොකිරීම තුළින් සිය මූලික අයිතීන් කඩ කළ බවට චෝදනා කරමින් ගොනු කර තිබෙන මූලික අයිතිවාසිකම් පෙත්සම් 12 විභාගයට ගන්නවාද නැත්ද යන පිළිබද නියෝගය පසුවට ප්රකාශයට පත් කිරීමට ශ්රේෂ්ඨාධිකරණය අද (26) තීන්දු කළේය.
මෙම පෙත්සම් අද (26) යළි ශ්රේෂ්ඨාධිකරණ සත් පුද්ගල විනිසුරු මඩුල්ලක් හමුවේ සලකා බැලු අතර එහිදී මෙම නියෝගය ප්රකාශයට පත් කිරීම කල් තබන ලදී.
එම බෝම්බ ප්රහාරයෙන් සිය දරු දෙදෙනා මිය ගිය පියකු වන නන්දන සිරිමාන්න, සංචාරක ව්යපාරිකයකු වන ජනත් විදානගේ, කතෝලික පියතුමන්ලා තිදෙනෙකු, ෂැන්ග්රිලා බෝම්බ ප්රහාරයට හසුවූ නීතීඥ මෝදිත ඒකනායක ඇතුළු 12 දෙනෙකු මෙම පෙත්සම් ගොනු කර තිබිණි.
මෙහි වගඋත්තරකරුවන් ලෙස හිටපු පොලිස්පති, හිටපු ආරක්ෂක ලේකම්, නීතිපති ඇතුළු පිරිසක් නම් කරනු ලැබ සිටිති.
මෙම පෙත්සම් අගවිනිසුරු ජයන්ත ජයසූරිය, බුවනෙක අලුවිහාරේ, සිසිර ද ආබෲ, ප්රියන්ත ජයවර්ධන, ප්රසන්න ජයවර්ධන, එල්. ටී. බී.දෙහිදෙණිය සහ මුර්දු ප්රනාන්දු යන මහත්ම මහත්මීන්ගෙන් සමන්විත සත්පුද්ගල ශ්රේෂ්ඨාධිකරණ විනිසුරු මඩුල්ලක් හමුවේ කරුණු තහවුරු කෙරිණි.
