‘සියක් සිප්සල්‘ ව්‍යාපෘතිය යටතේ කොළඹ සිට මොණරාගල දක්වා වූ දුෂ්කර පාසැල් 200 ක් තෝරාගෙන සංවර්ධනය කරන බව ජර්මනියේ හැම්බර්ග් නුවර පැවති ජාත්‍යන්තර සිංහ සමාජ 96 වෙනි සම්මේලනයේදී 306 ඒ2 සිංහ දිස්ත්රික්කයේ නව සිංහාධිපති ලෙස දිවුරුම් දී දිවයිනට පැමිණි මෙල්වින් ජෝන්ස් සම්මාන ලාභී අසංග සමරසේකර මහතා කටුනායක ජාත්‍යන්තර ගුවන්තොටුපොළේදී අද පැවසීය.
මේ ස++දහා රජය සමග ඉදිරියේදී අවබෝධතා ගිවිසුම් කිහිපයකට අත්සන් කොට අධ්‍යාපන අමාත්‍යංශය සම එක්ව මෙම පාසැල් සංවර්ධනය කිරීම කඩිනමින් අරඹන බවද ඒ මහතා කීය.
කටුනායක ජාත්‍යන්තර ගුවන්තොටුපොළ පැමිණීමේ පර්යන්තයේදී දිවයිනට පැමිණි නව සිංහාධිපති අසංග සමරසේකර මහතාව 306 ඒ 2 සිංහ දිස්ත්රික්කයේ උප සභාපති අර්ජුන් අබේසිංහ මහතා ඇතුළු නිලදාරීන් විසින් මල් දම් පළදවා ඉතා උනුසුම් අන්දමින් පිළිගනු ලැබූහ.
