ශ්රී ලංකාව සම්බන්ධයෙන් ස්විට්සර්ලන්තයේ ජිනීවා නුවර දී මාර්තු මාසයේ ඇරැඹෙන මානව හිමිකම් ප්රශ්න ගැන දෙමළ ජාතික සන්ධානයෙන් ඉදිරිපත් කළ යුතු කරුණු කවරේදැයි එහි නායකයෝ යාපන පුස්තකාල ශ්රවනාගාරයේ දී සාකච්ඡාවක් පැවැත්වූහ.
පක්ෂ නායක ආර් සම්බන්දන් හා මහ ඇමැති සී වී විග්නේෂ්වරන් මහත්වරු ඊට සහභාගී වූහ.
යුද්ධයේ දී උතුරු නැගෙනහිර අතුරුදන් වූවන් ගැන සොයා බැලීමට පත් කළ ජනාධිපති කොමිසමට දෙමළ ජාතික සන්ධානය විරුද්ධත්වය ප්රකාශ කළේය.
කිලිනොච්චිය ඉරණමඩු ජලාශයේ සිට යාපනයට නළ ජලය සැපයීමේ ශ්රී ලංකා-ආසියා සංවර්ධන බැංකු සැලැස්මට සංශෝධන ඉදිරිපත් කළ යුතු බව ද එහි දී සාකච්ඡා විය.
