(නිමන්ති රණසිංහ)
ජනාධිපති මන්දිරයේ තිබූ රූපවාහිනි යන්ත්ර දෙකක් සහ විදුලි ඉස්ත්රික්කයක් සොරාගත්තැයි කොටුව පොලීසිය අත්අඩංගුවට ගත් සැකකරුවන් තිදෙනෙකු ලබන පස් වැනිදා තෙක් රක්ෂිත බන්ධනාගාර ගත කරන ලෙස කොළඹ කොටුව මහේස්ත්රාත් තිලිණ ගමගේ මහතා අද (28 ) නියෝග කළේය.
මෙලෙස රක්ෂිත බන්ධනාගාර ගත කර ඇත්තේ ඉස්මයිල් මොහොමඩ් අශාන් නැමැති කොළඹ 13 පදිංචි සැකකරුවෙකු ඇතුළු තිදෙනෙකි.
අරගල කරුවන් විසින් අරලියගහ මන්දිරය අත්පත් කර ගනු ලැබීමෙන් පසු මෙම සැකකරුවන් විසින් අරලියගහ මන්දිරයට අයුතු ලෙස ඇතුළු වී එහි තිබූ රූපවාහිනි යන්ත්ර දෙකක් සහ විදුලි ඉස්ත්රික්කයක් පැහැරගෙන ගොස් ඇතැයි කොටුව පොලිසිය අධිකරණයට කරුණු වාර්තා කළේය.
ඉදිරිපත් වූ කරුණු සැලකිල්ලට ගත් මහේස්ත්රාත්වරයා සැකකරුවන් තිදෙනා ලබන 05 වැනිදා තෙක් බන්ධනාගාර ගත කිරීමට නියෝග කළේය.
