අන්තර්ජාතික චෙස් තරඟාවලියක් ලබන ඔක්තෝබර් 03 වැනිදා සිට 7 වැනිදා දක්වා ගම්පහ යක්කල ලින්රෝස් හෝටලයේදී පැවැත්වේ. මෙම තරගාවලිය ශ්‍රී ලංකා චෙස් සම්මේලනයේ සහයෝගයෙන්  බුද්ධි චෙස් පාසල මඟින් තෙවැනි වරටත් සංවිධානය කරනු ලබයි. තරගාවලිය සඳහා ඉන්දියාව, ජර්මනිය, මාලදිවයින, ඇතුළු රටවල් රැසක ජාත්‍යන්තර ලකුණුලාභී කී‍්‍රඩක ක‍්‍රීඩිකාවන්  සහභාගිවීමට නියමිතය. විවෘත මට්ටමේ පැවැත්වෙන මෙම තරගාවලිය සඳහා සහභාගිවන්නවුන්ට සහතිකයක් පිරිනැමේ. ජයග‍්‍රාහක ක‍්‍රීඩක ක‍්‍රීඩිකාවන්ට මුදල් ත්‍යාග සමග වටිනා ත්‍යාග පිරිනැමෙන අතර විවෘත මට්ටමේ පැවැත්වෙන තරගාවලියේදී වයස අවුරුදු 6, 8, 10, 12 සහ 15 න් පහළ වයස් කාණ්ඩ සඳහා බාලක බලිකා වශයෙන් මුදල් ත්‍යාග පිරිනැමෙන බව තරගාවලියේ සංවිධායිකා බුද්ධි පනාගොඩ මෙනෙවිය පැවසුවාය. පසුගිය වසරේදී මෙරට පැවති මෙම තරගාවලියට රටවල් රැසක ක‍්‍රීඩක ක‍්‍රීඩිකාවන් 250 ක් පමණ සහභාගිවී තිබේ. තරගාවලිය පිළිබඳ වැඩි විස්තර සඳහා 0719295352 යන දුරකථනයෙන් හෝ [email protected] යන විද්‍යුත් ලිපිනයෙන් ලබාගත හැකිය.