අධිකරණ සේවා කොමිසමේ ලේකම් තම පුතා හා බිරිය ශාන්ත තෝමස් විදුහල අසල ක්‍රීඩාගාරයේ බස්සා සිය ජගුවර් රියෙන් ආපසු එද්දී ඔහුගේ රිය නතර කර ඇතැයි ද, අවියක් පෙන්වා මරණ බවට තර්ජනය කර රියෙන් එලියට ගෙන පහර දී ඇතැයි ද කියන තොරතුරු ලැබී ඇතැයි මූලික පරීක්ෂණ පවත්වන පොලීසිය කියයි. ගල්කිස්ස පොලීසිය ඔහුගේ රියෙන්ම ඔහු රෝහල් ගත කර ඇත්තේ පොලිස් හදිසි ඇමතුම් අංශයට ලැබුණු පණිවුඩයක් අනුවය. මැරයන් වාහනයට නැගී පළා ගිය බවට ද සාක්කි ඇතැයි මූලික පරීක්ෂණවලදී සොයාගෙන තිබේ. පොලිස් අධිකාරී රවීන්ද්‍ර කරවිට මහතා එහි පැමිණ පරීක්ෂණ ඇරඹීය. ඡායාරූප - සුරංජිත් පෙරේරා