රුපියල් කෝටි දෙකක් පමණ වටිනා රන් බිස්කට් සහ රන් ආභරණ කිලෝ තුනක් තම තිසර පටවල සඟවාගෙන සිංගප්පූරුවේ සිට පැමිණි කතුන් පස් දෙනෙක් කටුනායක ජාත්යන්තර ගුවන් තොටුපොළේදී අත් අඩංගුවට ගත් බව රේගු මාධ්ය ප්රකාශක රේගු නීති අංශයේ අධ්යක්ෂක ලෙස්ලි ගාමිණී මහතා කීවේය.
මොවුහු කොළඹ ග්රෑන්ඩ්පාස් ප්රදේශයේ පදිංචි රෙදි පිළි ව්යාපාරවල නිරත කාන්තාවෝ වෙති.
මොවුන් ලඟ තිබී රන් බිස්කට් 10 යක්, වළලු 08 ක්, රන් දම්වැල් 02 සහ බ්රේස්ලට් 02 ක් අත් අඩංගුවට ගෙන
සැකකාරියෝ ඊයේ සිංගප්පුරුවට ගොස් ඇති අතර අද ශ්රී ලංකන් ගුවන් සේවයට අයත් යු.එල් 307 දරණ ගුවන්යානයෙන් යළි දිවයිනට පැමිණ ඇත. මොවුහු රේගුවට භාණ්ඩ කිසිවක් ප්රකාශ කිරීමට නැති මගීන් පිටවන මාර්ගය ඔස්සේ පැමිණ ගුවන් තොටුපොළෙන් පිටවීමට උත්සහ කරද්දී අත් අඩංගුවට ගෙන ඇත.
මොවුහු නිතර නිතර ඉන්දියාව හා ශ්රී ලංකාව අතර යාම් ඊම් කර ඇති බවත් සිංගප්පුරුවට ගිය පළමු වතාව මෙය බවත් රේගුව කියයි.
රේගුව විසින් දීර්ග ලෙස ප්රශ්ණ කිරීමේදී එක් කාන්තාවක් මහත් සේ හඩා වැලපෙමින් පවසා ඇත්තේ තමන් සිංගප්පුරුව දැක බලා ගැනීම සඳහා එහි ගිය බවත් මෙම රත්තරන් එහිදී නාඳුනන පුද්ගලයෙකු විසින් ලබා දුන් බවයි. සෙසු කාන්තාවෝද එසේම ප්රකාශ කොට ඇත.
කෙසේ වෙතත් රේගුව පවසන්නේ දීර්ග කාලයක කළ විමර්ශනයක් මත මෙම වැටලීම සිදු කළ බවයි.
මේ පිළිබඳව වැඩිදුර විමර්ශණ කටයුතු ගුවන්තොටුපොළ රේගු අධ්යක්ෂක ඒ.කේ.එන් වික්රමසිංහ මහතාගේ අධීක්ෂණය යටතේ නියෝජ්ය රේගු අධ්යක්ෂකවරුන් වන සුනිල් ප්රේමරත්න, එස්.ඩබ්ලිව්.සී ජයමිණි යන මහත්ම මහත්මීන්ගේ මෙහෙයවීමෙන් රේගු අධිකාරී නිහාල් අලහප්පෙරුම, නියෝජ්ය රේගු අධිකාරීවරුන් වන නිශාන්ත ජයසිංහ, හසන්ත ගුරුගේ, උදය ගාමිණී සහ සහකාර රේගු අධිකාරී නුවන් අබේනායක යන නිලධාරීහු සිදුකරති.
