ඉසුරු සොයා ජාවාරමුනට රුපියල් හාර ලක්ෂය බැගින් ගෙවා යාත්‍රා මගින් ඕස්ට්‍රේලියාවට ගිය තව සිය දෙනෙක් පිටුවහල් කරනු ලැබ අද පස්වරු තුනට පමණ ශ්‍රී ලංකාවට රැගෙන ඒමට නියමිතය. පසුගිය දින තුනේ 426 දෙනෙක් ඕස්ට්‍රේලියාවෙන් ශ්‍රී ලංකාවට එවනු ලැබූහ. මේ වසර ආරම්භයේ සිට ඕස්ට්‍රේලියාවට අනවසරයෙන් ඇතුළු වූ පිරිස 15500ක් බව ඕස්ට්‍රේලියා රජය කියයි. තම මානුශිව වැඩ පිළිවෙල අදාළ වනුයේ හිංසා හා වධවීමේ අනතුර ඇති අයට මිස ආර්ථික වාසි පතා හොරෙන් එන අයට නොවේ යැයි ඕස්ට්‍රේලියා ආගමන ඇමති ක්‍රිස් බෝර්න් පවසයි. මෙසේ එන අය ශ්‍රී ලංකාවට ද දකුණු පැසිපික් සාගරයේ නාවුරු හා පැපුආනිව්ගිනියේ මානුස් දූපතට ද යවන බව ඔහු කියයි. ජාවාරම්කරුවනට දෙන මුදල් වලින් පලක් නැතැයි ද, එයින් ජීවත අනතුරට පත් වීම හැර අන් දෙයක් නොවන්නේ යැයි ද ඔහු සදහන් කරයි. මේවසරේදී ඕස්ට්‍රේලියාවට හොරෙන් යන්නට සිටි 1200 දෙනා ශ්‍රී ලංකාවේදී අත්අඩංගුවට ගනු ලැබ සිටිති.