ඔක්සිජන් සැපයුම අඩාල වීම හේතුවෙන් ඉන්දියාවේ ගොරොක්පූර් දිස්ත්රික්කයේ පෞද්ගලික රෝ
හලක දරුවන් 60දෙනකු දින පහක් තුළදී මියගොස් ඇතැයි වාර්තා වේ.
ඔක්සිජන් සැපයුම්කරුට බිල්පත් ගෙවීම පමාවීම හේතුවෙන් සැපයුම නතර කර ඇති බව ප්රාදේශීය බලධාරීන් පිළිගෙන ඇතත් ඔවුන් පවසන්නේ දරුවන් මියයෑමට එකම හේතුව එය නොවන බවයි. අසාධ්ය තත්වයේ පසුවූ දරුවන් ස්වාභාවික හේතූන් මත මියගිය බව ඔවුන් පවසා ඇත.
මෙලෙස මියගොස් ඇති දරුවන්ගෙන් වැඩිදෙනෙක් අළුත උපන් බිළිඳන් බව කියැවේ.බ්රහස්පතින්දා සහ සිකුරාදා දින දෙක තුළ පමණක් 30දෙනකු මියගොස් ඇති බව ප්රාදේශීය මාධ්ය වාර්තා කළේය.
ඉන්දියාවේ දරිද්රතාවය ඉහළ කළාපයක් වන මෙම ප්රදේශයේ වසරකට එන්සෙෆලයිටීස් වැනි රෝග හේතුවෙන් දරුවන් සියගණනක් මියයන බව පැවසේ.
සිද්ධිය සම්බන්ධව පුළුල් පරීක්ෂණයක් සිදු කරන බව ප්රාන්ත බලධාරීන් ප්රකාශ කර තිබේ
(බීබීසී පුවත් ඇසුරිණි - 085)
