(එම්.සුසිල් ප්‍රියන්ත)
ඌරගස්මංහංදිය කොරකින ප්‍රදේශයේ සිදුවූ වෙඩි තැබීමකින් පුද්ගලයකු රෝහල්ගත කළ බව ඌරගස්මංහංදිය පොලිසිය කියයි .
වෙඩි වැදුණු තැනැත්තා පළමුව ඇල්පිටිය රෝහලටත් ඉන් අනතුරුව කරාපිටිය රෝහලටත් මාරු කර යැවූ බවද පොලිසිය කියයි .
මෙසේ වෙඩි වැඩි ඇත්තේ ඌරගස්මංහංදිය කොරකින ප්‍රදේශයේ පදිංචි දිල්ෂික ඉරෝෂන් නමැති අවිවාහක අයකුට බවද පොලිසිය කියයි .
ඔහු සිය මිතුරන් පිරිසක් සමග මත්පැන් පානය කරමින් සිටියදී මේ වෙඩි තැබීම සිදුව ඇති බවද පොලිසිය කියයි .
මිතුරන් සමග මත්පැන් පානය කරමින් සිටි ඔහු එම ස්ථානයෙන් නැගිට ඒ ආසන්නයට ගොස් සිටියදී මේ වෙඩි තැබීම සිදුව ඇති බවද පොලිසිය කියයි .
පෞද්ගලික ආරවුලක් මේ වෙඩි තැබීමට හේතුව වන්නට ඇතයි පොලිසිය සැකකරයි .
