සෞදි අරාබියේ තබුක් ප‍්‍රදේශයේ විශ්ව විද්‍යාල හා අනිකුත් ආයතන පිරිසිදු කරන්නන් වශයෙන් කොලඹ එක්තරා විදේශ රැකියා ආයතනයකින් ගෙන්වන ලද ශ්‍රී ලාංකිකයින් 33 කට අධික පිරිසක් අමාරුවේ වැටී සිටිති.
ශ්‍රී ලංකා විදේශ සේවා නියුක්ති කාර්යාංශය මගින් අනුමත කිසිදු පහසුකමක්, රැකියාවක්, ඇතුළු ආහාර පාන පවා නොමැතිව විවිධ දුෂ්කරතා මධ්‍යයයේ කල්ගෙවන බව සිට කිලෝමීටර් 2000 ක දුරකින් පිහිටි තබුක් ප‍්‍රදේශයෙන් වාර්තාවේ.
ශ්‍රී ලංකාවේ විදේශ රැකියා ආයතනය රුපියල් අසුදහසේ සිට එක් ලක්ස දස දහස දක්වා එක් පුද්ගලයකුගෙන් අය කරගෙන සෞදි අරාබියට එවා ඇති මෙම පිරිසට පැමිණ දි සිට මාස තුනක් කිසිදු වැටුපක් ලබා නොදී ඇති අතර නවාතැන් පහසුකම් හෝ අනිකුත් වරප‍්‍රසාදද කිසිවක් නොමැතිව පැය 16 ක කාලයක් රැකියාවේ යෙදි සිටීමට සිදු වී ඇති බවද කියති. විශේෂයෙන්ම මෙම පිරිසට ආහාර පාන ලබා ගැනීමට මුදල් ලබා නොදීමේ හේතු මත මුස්ලිම් දේවස්ථාන සහ අනිකුත් ප‍්‍රසිද්ධ ස්ථානවල රැදි සිටිමින් අන්නට අතපා ආහාර පාන ලබා ගැනීඹ සිදු වී ඇති බවද පවසයි. මේ හේතුව නිසාම දැනට රැුකියාව කිරීමෙන් වැලකී සිටින මෙම පිරිස ශ්‍රී ලංකාවේ බලධාරීන් වෙත කරුණු ඉදිරිපත් කලද මෙතෙක් කිසිදු පිළිතුරක් නැති බවද පවසයි. මේ පිරිසට අමතරව කාන්තාවන් 11 දෙනෙකුද විශ්ව විද්‍යාල පිරිසිදු කිරීම සඳහා ශ්‍රී ලංකාවෙන් එම ආයතනය වෙත ම ගෙනවිත් ඇති අතර මෙම ආයතනයේ බලධාරින් විසින් එම කාන්තාවන් සෞදි රියාල් 28000 සිට 300000 දක්වා විශාල මුදලකට විවිධ නිවෙස්වල මෙහෙකාරකම් සඳහා විකුණා ඇති බව පවසයි. මෙම කාන්තාවන් ගිවිසුම් ප‍්‍රකාරව මාසික වැටුප වශයෙන් සෞදි රියාල් 650 ක් වුවද දැනට ලබා දෙනුයේ සෞදි රියල් 45000 ක් පමණක් බවද පවසයි.
කෙසේ වුවද මෙම පිරිස ශ්‍රී ලංකා බලධාරින්ගෙන් ඉල්ලා සිටිනුයේ සියළුම දෙනා මෙම දුශ්කරතාවයෙන් මුදවා ශ්‍රී ලංකාවට ගෙන්වා ගැනීමට කටයුතු කරන ලෙසයි.
මෙම තිස්දෙනා තමන් මුහුණ දෙන ගැටළු පිළිබඳව පොලිස්පතිට ලියුමක්ද යවා ඇත.
