වසර ගණනාවක පටන්  ඉතාලියේ නාපෝලී නගරයෙන් අතුරුදන්වු  වටිනා යතුරුපැදි  පිළිබඳව තොරතුරු රැසක් සොයා ගැනීමට නාපොලී පොලීසිය සමත් විය.

පසුගිය දා ශ්‍රී ලාංකිකයින් දෙදෙනකු  විසින් ශ්‍රී ලංකාවට යැවීමට සුදානම් කැරුණු කන්ටේනරයක් පිරීක්සීමේදී ඇන්ජින් ධාරීතාව 1200-1000-800-600 වැනි  යතුරුපැදි 20 ක් සොයා ගත හැකි විය.

එම යතුරුපැදිවල කිසිදු ලියකියවිල්ලක්  ශ්‍රී ලාංකිකයන් දෙදෙනා සතු නෙවීය.

ඒ ඔස්සේ පරික්ෂණ පැවැත් වු නාපෝලී පොලීසිය  පවසනුයේ  සොරකම්  කරන යතුරුපැදි  ඉතා අඩුමිලට ගෙන ශ්‍රි ලංකාවට යවන බවයි.

පසුගිය කාලයේදී පොලිස් නිලධාරීන්ගේද  යතුරුපැදි විශාල වශයෙන් අතුරුදන්වු බවත්   එම යතුරුපැදිද මේ ආකාරයෙන්  විදෙස් රටවලට රැගෙන යන්නට ඇතැයි නාපෝලී පොලීසිය පවසයි.

මෙම සොරකම් ජාලයට තිත තැබීම සඳහා  කපානියා පළාත බාර පොලිස් අධිකාරීවරයා විසින්  කමෝරා මාෆියාකරුවන් හඹා යෑමට පුහුණු කළ  හැඩි දැඩි පොලිස් නිලධාරීන්  සමන්විත හල්කි නැමැති පොලිස්  විශේෂ බළකාය අනුයුක්ත කළේය.

ඒ අනුව පසුගිය දින කිහිපයේ ඉතාලියේ  ශ්‍රී ලාංකික නිවෙස් කිහිපයක්  පොලිස් නිලධාරීන් පරීක්ෂාවට  ලක් කැර ඇති අතර  එයින් ඉතා සුක්ෂම ලෙස  කෑලී ගලවා  ශ්‍රී ලංකාවට යැවීම සඳහා  සුදානම් කැර තිබු  යතුරුපැදි  කිහිපයක් සොයා ගැනීමට ඔවුන්ට හැකි වී ඇත.

මෙලෙස සොරකම් කළ  ලියකියවිලි නැති යතුරුපැදි  ලංකාවට රැගෙන ගොස්  අධික මිලට විකුණන බවත්  හොර බඩු නිදහස් කැර ගැනීමේදී ඇතැම් විටදී රේගු නලධාරීන්ගේ සහායද ජාවාරම්කරුවන්ට ලැබෙන බවත් පොලීසීය සඳහන් කරයි.