වසර 75ක මාධ්‍ය මෙහෙවරෙහි යෙදී සිටි  ඇස් පියසේන (93) මහතා සිය උපන් ගම වන අලුත්ගම දර්ගානගරයේ මීගම දේවගොඩ දී උපහාර ලැබීය.

පුවත්පත් කලාවේදියකු, ගත් කතුවරයකු, පාර්ලිමේන්තු භාෂා පරිවර්ථකයකු හා චෙන්නායි නුවර ශ්‍රී ලංකාවේ නියෝජ්‍ය මහ කොමසාරිස්වරයකු වූ පියසේන මහතා සමස්ත ඉන්දියා ගුවන්විදුලි සේවයේ ද වැඩ කළේය.

සිංහල, ඉංග්‍රීසි හා හින්දි භාෂා ප්‍රවීණත්වයක් ඇති පියසේන මහතා ඕස්ට්‍රේලියාවේ පදිංචිව සිටී.

දේවගොඩ පුරාණ විජයාරාමයේදී පැවැති මේ උපහාර උළෙලේදී පියසේන මහතා ගමේ නෑදෑයන් හා හිතමිතුරන් ද හමු විය.

තම පොත්පත්වලින් ඉපැයූ මුදලින් රුපියල් පනස් දහසක් විහාරයේ වැඩකටයුතු වෙනුවෙන් විහාරාධිපති අනුරාධපුරයේ දේවානන්ද හිමියනට පිරිනැමීය.