ශ්‍රී ලංකාවේ හීලෑ අලි ඇතුන් හදුනා ගැනීමේ නිසි ක්‍රම වේදයක් හඳුන්වා දෙන්නැයි කියමින් හීලෑ අලි ඇතුන්ගේ සංගමය අලි පෙරහරකින් පැලවත්තේ සිට  ගොස් වනජීවී ඇමැතිට අද (26) සන්දේශයක් බාර දීමට යයි.

මහනුවර දළදා මාලිගාවේ   දියවඩන නිළමේ නිලංග ප්‍රදීප් දෑල බණ්ඩාර මහතාගේ ප්‍රධානත්වයෙන් මේ ගමන සුදානම් කැර ඇත.

අලි ඇතුන් 21 දෙනෙක්ගේ පිට නැගී අමාත්‍යංශයට යාමට නියෝජිතයෝ සැරසෙති.

ලංකාවේ හීලෑ අලි ඇතුන් 135 දෙනකු පමණ සිටින බවත්  අයිතිකරුවනට එම සතුන් පිළිබඳ නිත්‍යනූකූල ලියැවිල්ලක් අවශ්‍ය බවත් ඔවුහු කියති.

වන ජීවී නිලධරයින් පවසනුයේ හීලෑ අලි ඇතුන් හිමිකරුවන් වාර්ෂික බලපත්‍රයක් නිකුත් කරන බවයි.

කෑලෑවල සිටින අලි පැටවුන් හොරෙන් අල්ලා විකිණිමේ ජාවාරමක් ඇතැයි පරිසරවේදීහු කියති.