(හක්මණ විශේෂ - දෙනගම යසන්ත ආරියසේන)
ඩෙංගු මර්දන වැඩසටහන් වලට යැයි නිවසින් බැහැර ගොස් වසා ඇති කාර්යාලයේ අනියම් පෙම්වතිය සමග පෙම්සුව විඳිමින් සිටි සැමියකුට බිරිය කොස්සක් කැඩෙනතෙක් පහර දීමේ සිද්ධියක් දකුණු පළාතේ ග්‍රාමීය පෙදෙසකින් වාර්තා විය.
සති අන්තවල සහ සවස් කාලයේ සිය ආයතනයේම කාලය ගත කිරීමට මෙහි වැඩබලන ප්‍රධානියා ප්‍රිය කළේය. එයට හේතුව වී ඇත්තේ ඔහුගේ නියෝජ්‍ය පාලකවරිය වන දැකුම්කළු කාන්තාවද එම දිනවල සේවය කරන නිසයි.
නිවාඩු දිනවලදී සහ සවස් කාලයේදී ආයතනය තුළ නිතරම ගැවසෙන මෙම දෙදෙනා පිළිබඳව ප්‍රදේශවාසීන්ට සැකයක් ඇතිවී එක් දිනක් සවස් කාලයේ ඒ පිළිබඳව විපරම්කිරීමේදී දෙදෙනා කාර්යාලය තුළ පෙම්සුව විඳිමින් සිටින අයුරු දැක තිබේ. සිද්ධිය දුටු ප්‍රදේශවාසීන් ප්‍රධානියාගේ බිරිඳට එම ආරංචිය ලබාදී ඇති අතර ඇය ක්ෂණිකව එම ස්ථානයට පැමිණ තිබේ. සැමියාගේ කාර්යාලයට ඇතුළුවන විට දුටු දර්ශනයෙන් කෝප වූ බිරිද අසල තිබූ කොස්සක් ගෙන දෙදෙනාටම පහර දී ඇති අතර කාන්තාව කාර්යාලයෙන් එළියට පැන ප්‍රදේශවාසීන්ගේ හූ හඬ මැද ස්කූටරයේ නැගී පලාගොස් ඇති අතර බිරිඳද යතුරු පැදියේ නංවාගෙන සැමියා ද පිටව ගොස් තිබේ.
සිද්ධිය වසන් කර ගැනීමට දෙදෙනාම උත්සාහ ගත්තද ප්‍රධාන කාර්යාලයට සිද්ධිය සැලවීම නිසා ආයතන ප්‍රධානියා සාමාන්‍ය නිලධාරියෙකු ලෙස තනතුරේ පහළට දමා නගරයේ වෙනත් ස්ථානයකට මාරුකිරීම නිසා සිද්ධිය ප්‍රදේශය පුරා පැතිරීමට වැඩි කාලයක් ගතනොවීය.
