කුරුඳු ඉඩමේ කුරුඳු කැපූ අය කුරුඳු ඉඩම් හිමියාට දුන් අපූරු ගේමක් අහම්බෙන් ඔහුගේ අතටම හසු වූ අපූරු පුවතක් කරන්දෙණිය ගමකින් අසන්නට ලැබේ.
කුරුඳු වතුවලින්ම ජීවත් වූ අයෙකි. කුරුඳු වතු කිහිපයකම අයිතිය තිබුණේ ඔහුටය. ඒවායේ වැඩ කළේ කුලී කම්කරුවන්ය. මේ කුරුඳු ඉඩම් උදලු ගෑවේ ද මේ කම්කරුවන්ය. කුරුඳු තැලු‍වේ ද ඔවුන්ය. කුරුඳු ඉඩමේ කුරුඳු තැලීම සඳහා කපාගෙන ආවේ ඔහුගේ නිවසටය. ඒ නිසාම ඔහු කුරුඳු ඉඩමට නොයන තරම්ය. වතුවල වැඩ කරන සේවකයන් ගැන ඔහු සිටියේ පැහැදීමකිනි. ඔවුන් ඔහුට විශ්වාසය. අවංකවම වැඩ කරතැයි ඔහු සිතුවේය.
එදා රාත්‍රියේ ගමනක් ගොස් නිවස කරා එමින් සිටියේ තමාගේ මෝටර් රථයෙනි. සිය කුරුඳු ඉඩමේ සිට කුඩා ලොරියක් පාර දෙසට එමින් සිටිනු හේ දැක්කේය. එයින් කලබල වූ ඔහු සිය වාහනයෙන් බැස කුරුඳු ඉඩමෙන් එන පොඩි ලොරිය නතර කළේය.
ඔහු ලොරිය පරීක්ෂා කළේය. ලොරිය පිටුපස කපා තිබූ කුරුඳු කෝටු තොගයකි. එදින තමාගේ නිවසට කපාගෙන ආ කුරුඳු කෝටු තොගයට වඩා වැඩි තොගයකි. පුදුමය නම් එය නොවේ. තමාගේ ඉඩමේ කුරුඳු තලන කිහිප දෙනෙකු එහි සිටීමය. හිමිකරු දැකීමත් සමගම ලොරියේ සිටි ඔවුනගේ දෙපා අප්‍රාණික විය. තුන් මුණින්ම දාඩිය දමා උගුර කට වේළී ගිය්ය
කම්කරුවන්ට දැන් කරන්න දෙයක් ඇත්තේම නැත. සර් අපි කපන කුරුඳුවලින් භාගයයි සර්ලාගේ නිවසට ගේන්නේ. අනෙක් බාගය හංගලා එවනවා. ඒ කුරුඳු තොගයයි මේ. අපි ඒවා පටවගෙන ගිහිල්ලා විකුණනවා. හරි කමක් නැහැ දැන් ඔය කුරුඳු තොගය අපේ ගෙදරින් බාලා මේ ලොරියේම තමන්ගේ ඇඳුම් උපකරණ පටවගෙන ගෙදර යන්න. ආයේ නම් මේ පැත්ත පළාතේ එන්න එපා කියමින් කීවේලු.
කරන්දෙණිය එම්. සුසිල් පියන්ත
