සියනෑ කෝරළයේ ප්රධාන නගරයක් ආශ්රිත ගම්මානයක ගැමි පරිසරයේ හැදුණුවැඩුණු ඇය රූමතියකි. අගනුවර තම සොහොයුරාගේ කාර්යාලයේ යහලුවෙක් නිවසට පැමිණ ඇය පිළිබඳ සිතැතිව කෙටි සබඳතාවකින් පසු විවාහයට සූදානම් වූවේය.
පසුගියදා විවාහය සිදුවූයේ නගරයේ ජනප්රිය උත්සව ශාලාවකය. පෝරුවේ චාරිත්රයෙන් පසු ඇය මඳ තැතිගැන්මකින් සිටි අතර ඒ පිළිබඳව හිතමිතුරන් විමසුවත් කිසිවක් නොකීවද මනාලයා සමඟ මධුසමයට ගිය මොහොතේ ඇය කීවේ තමාගේ ඇඟිල්ලට දැමූ මුදුව තද නිසා වේදනාවක් ඇති බවය.
ඇඟිල්ල පරීක්ෂා කළ මනාලයාට තරු පෙනිණි. එය හිරවීම නිසා ඇඟිල්ල ඉදිමී රත් පැහැ ගෙන තිබිණ. මැදියම් රෑ වනතුරු මුද්ද ගලවා ගැනීමට නොහැකි වුවත් පසුව සබන් ගා එය ගලවා ගත්තේ ඇයගේ කෙඳිරිය හා හැඬුම් මැදය.
ඔවුන් සිටි කාමරය බාර කොලුගැටයාට මේ කෙඳිරිලි හඬ ඇසී හෝටල් හිමියා දැනුම්වත් කළ විට ඔහු “ඕව ඔහොම තමයි. උඹ කලබල නැතිව හිටපන්” කීවේ ඔච්චම් සිනාවක් පාමින්ලු.
(තිහගොඩ උපසේන ලියනගම)
