කොළඹ වරායේ මෙහෙයුම් අඛණ්ඩව හා ගුණාත්මකව පවත්වාගෙන යෑම සඳහා කැප වී සිටින සේවක සේවක සේවීකාවන්ගේ සෞඛ්‍ය තත්ත්වය සුරක්‍ෂිතව පවත්වාගෙන යෑම සඳහා අහඹු ලෙස තෝරාගත් 200 දෙනකු පී.සී.ආර්. පරීක්ෂණ සඳහා යොමු කළ බව ශ්‍රී ලංකා වරාය අධිකාරිය සඳහන් කරයි.
කොළඹ වරායේ යාත්‍රා අංගන පරිශ්‍රයේදී එම පිරිස සඳහා අද (3) පී.සී.ආර්. පරීක්ෂණ සිදු කෙරුණි.
කොළඹ වරායේ මෙහෙයුම් කටයුතු අඛණ්ඩව සිදු වන අතර, රට පුරා උද්ගත වී ඇති වසංගත තත්ත්වය සලකා බලමින් වරායේ මෙහෙයුම් හා ඊට අදාළ සියලු සේවා සහ සම්බන්ධ වන සියලු අයගේ සෞඛ්‍ය සුරක්ෂිතතාව තහවුරු කිරීමට සෑම පියවරක්ම ගෙන ඇතැයි ද වරාය අධිකාරිය සඳහන් කරයි. එසේම සෞඛ්‍ය බලධාරීන් නිකුත් කර ඇති සෞඛ්‍ය රෙගුලාසි නිසි පරිදි ක්‍රියාවට නංවා ඇතැයි එම අධිකාරිය කියයි.
ශ්‍රී ලංකා වරාය අධිකාරියේ සභාපති ජෙනරාල් දයා රත්නායක, අතිරේක කළමනාකාර අධ්‍යක්ෂ උපුල් ජයතිස්ස, අතිරේක කළමනාකාර අධ්‍යක්ෂ සුසන්ත අබේසිරිවර්ධන යන මහත්වරුන් ඇතුළු පිරිසක් ද පී.සී.ආර්. පරීක්ෂණ කළ අවස්ථාවට එක්ව සිටියහ.
055
