(සනත් ගමගේ)

මේ වසරේ මේ දක්වා කාලය තුළ හම්බන්තොට දිස්ත්‍රික්කයේ ඩෙංගු රෝගීන් 2850 ක් වාර්තා වී ඇති බව හම්බන්තොට දිස්ත්‍රික් වසංගත රෝග විශේෂඥ එම්.එන්.එච් ක්‍රිෂාන්ත මහතා තිස්සමහාරාම මූලික රෝහලේ දී අද (08) පැවැති දැනුවත් කිරිමේ වැඩසටහනක දී කීය.

මෙම රෝගීන්ගෙන් වැඩි පිරිසක්  තිස්සමහාරාම සෞඛ්‍ය වෛද්‍ය කොට්ඨාශයෙන් වාර්තා වි ඇති අතර එම  රෝගින් සංඛ්‍යාව 800 ඉක්මවා ඇති බව ඒ මහතා මෙහිදී කීය. .

වැසි සමය ලඟා වීමත් සමගම රෝගය පැතිරීමේ අවදානමක් ඇති හෙයින් රෝගය පැතිර යාම වැලැක්වීම සඳහා විශේෂයෙන්ම මහජනතාවගේ සහාය අවශ්‍ය බව ඒ මහතා අවධාරණය කළේය.