(රොමේෂ් මධුෂංඛ)

යාපනය කෝපායි සහ චාවකච්ඡේරි ප්‍රදේශයන් හි අද (24) සහ ඊයේ (23) සවස සිදුවූ අනතුරු වලින් එක් අයකු මිය ගොස් තවත් දෙදෙනෙකු තුවාල ලබා ඇති බවට චාවකච්චේරි සහ කෝපායි පොලීසිය සඳහන් කරයි.

චාවකච්චේරි මීසාලෙයි මංසන්ධියේ පිහිටා ඇති දුම්රිය හරස් මාර්ගය උඩදී වැලි ප්‍රවාහනය කළ ටිපර් රථ දෙකක් මුහුණට මුහුණ ගැටීමෙන් එක් අයෙකු තුවාල ලබා තිබේ. 

එම අනතුරේදී ටිපර් රථ දෙකෙන් එකක් පෙරළී ගොස් තිබු අතර අනතුර දුම්රිය මාර්ගය උඩ සිදුවීම නිසාවෙන් ටිපර් රථ ඉවත් කිරීමට නොහැකි වීම නිසා කොළඹ සිට පැමිණි දුම්රිය ද මීසාලෙයි දුම්රිය ස්ථානයේ දී පැයකට ආසන්න කාලයක් නවතා තැබීමට සිදුවිය.  

මේ අතර කෝපායි මන්සන්ධියේ දී කැන්ටර් රථයක් හා යතුරු පැදියක් අද (24) දින අනතුරට ලක් වීමෙන් යතුරුපැදියේ ගමන් ගත් පුද්ගලයකු මිය ගොස් තවත් අයෙකු තුවාල ලැබූ බවට කෝපායි පොලිසිය පවසයි.
අනතුරින් මිය ගොස් ඇත්තේ කොණ්ඩාවිල් ප්‍රදේශයේ පදිංචි 62 හැවිරිදි සින්නතුරෙයි රාසරත්නම් නම් පුද්ගලයෙකි.