(හිරාන් ප්‍රියංකර ජයසිංහ සහ  ප්‍රියානි මංගලිකා)
 
ආණමඩුව වල්පාළුව ලීකොළ වැව ප්‍රදේශයේදී වන අලි පහරකින් අද(2) පුද්ගලයකු මියගොස් ඇතැයි ආණමඩුව පොලිසිය පවසයි. 
 
මියගොස් ඇත්තේ ලී කොලවැව පදිංචි 55 හැවිරිදි ඒ.එච්.එම්. දයාරත්න නැමති දෙදරු පියෙකි. 
 
සිද්ධියෙන් පසු කෝපයට පත් ප්‍රදේශවාසීන් ආණමඩුව වල්පාළුව මාර්ගය වසා දමා විරෝධය මතුකර තිබූ අතර, වනජීවි නිලධාරීන් හා ආණමඩුව පොලිසිය රාත්‍රියේම පැමිණ මාර්ගය විවෘත කිරීමට උත්සාහ කර ඇත.  එය ව්‍යර්ථ වීම හේතුවෙන් අද උදෑසන නැවත පොලිසිය මැදිහත්ව මාර්ගය විවෘත කර ගමනාගමනයට ඉඩ සකසා තිබිණි. 
 
වල්පාළුව ඇතුළු ප්‍රදේශවල අලි 10 - 15 ත් අතර රංචුවක් සැරිසරමින් වගා වනසමින් සිටින බව ගම්මු පවසති.