තිලකරත්න දිසානායක 
 
ගම්පහ  -  ගණේමුල්ල අතර යාගොඩ දුම්රිය හරස් මාර්ගය ඔස්සේ ධාවනය කළ ජීප් රථයක්  දුම්රියක ගැටීමෙන් අනතුරකට පත්ව අයෙකු තුවාල ලබා ගම්පහ දිස්ත්‍රික් මහ රෝහලට ඇතුලත් කර තිබේ.
 
 කොළඹ කොටුව සිට පොල්ගහවෙල බලා ධාවනය වෙමින් තිබූ දුම්රියක්  අද (25) සවස යාගොඩ දුම්රිය ස්ථානයෙහි නවත්වා යළි ගමන් අරඹා දුම්රිය හරස් මාර්ගය අසලට පැමිණෙනවාත් සමග මාකිලංගමුව දෙස සිට මහනුවර  -  කොළඹ ප්රධාන  මාර්ගය දෙසට ගමන් ගැනීමට පැමිණ ඇති ජීප් රථය දුම්රියෙහි ගැටී තිබේ. 
 
දුම්රියෙහි ජීප් රථය ගැටීමෙන් එහි ගමන්ගත් තිදෙනෙකු අතුරින් 26 හැවිරිදි අයෙකු තුවාල ලබා ගම්පහ දිස්ත්‍රික් මහ රෝහලටඇතුලත් කොට ඇති අතර ඔහුගේ තත්ත්වය බරපතල නොවන  බව රෝහල් ප්‍රකාශකයෙක් පැවසීය. 
 
අනතුර සිදුවු යාගොඩ දුම්රිය ස්ථානයට නුදුරු දුම්රිය හරස් මාර්ගයෙහි ගේට්ටුවක් නොමැති අතර වර්ණ සංඥා පමණක්  යොදා ඇති ස්ථානයකි.