(ජේ.කේ.එල් චාමින්ද)

වැලිසර නාවික හමුදා කඳවුරේ දී කොරෝනා වයිරසය ආසාදනය වූ  පොද්දල නරාවල   ප්‍රදේශයේ පදිංචි නාවික සෙබලා සමඟ සමීප සම්බන්ධතා පැවැත්වු පුද්ගලයින් 07 දෙනෙකුගෙන්   පී. සී.ආර්. පරික්ෂණ සඳහා ජෛව සාම්පල් ලබාගත් බවත්  අද (07) දින නිකුත් වූ එම පරීක්ෂණ වාර්තාවලට අනුව ඉන් කිසිඳු අයෙකුට කොරෝනා වයිරසය ආසාදනය වි නොමැති බවට තහවුරුවි ඇති බව බෝපේ පොද්දල සෞඛ්‍ය වෛද්‍ය නිලධාරි  ලසන්ත ඔබේසේකර මහතා පවසයි.

ඊයේ දින (06) නරාවල ශ්‍රි සුදර්ශනාරාම විහාරස්ථානයේ දි  මෙකි පුද්ගලයින් 07 දෙනා ගෙන් පී. සී.ආර් පරීක්ෂණ සඳහා ජෛව සාම්පල් ලබාගත් බවද සෞඛ්‍ය වෛද්‍ය නිලධාරිවරයා සඳහන් කළේය.

මිට පෙර නාවික සෙබළාගේ බිරිඳ ඇතුළු පවුලේ සිව් දෙනෙකු පී. සී.ආර් පරීක්ෂණවලට ලක්කළ බවත් ඉන් කිසිදු අයෙකුට කොරෝනා වෛරසය ආසාදනය වී නොමැති බවට තහවුරු වී තිබූ බවද බෝපේ පොද්දල සෞඛ්‍ය වෛද්‍ය නිලධාරි  ලසන්ත ඔබේසේකර මහතා සඳහන් කළේය.

මෙකි නාවික සෙබළා වැලිසර නාවික කඳවුරේ සිට පසුගිය 20 වැනිදින  නිවාඩු ලබා නිවසට පැමිණ ඇති අතර 27 වැනිදින නැවත කඳවුරට ගොස් ඇත.

කඳවුරේදී නාවික සෙබළාට කොරෝනා වෛරසය ආසාදනය වි තිබුණි.