(ක්‍රිෂාන් ජීවක ජයරුක්)

දිවයිනේ විවිධ ප්‍රදේශ වලට ගොස් තරු පහේ හෝටල් වල නැවතී සුඛෝපභෝගී වාහන උපයෝගී කර ගෙන මහා පරිමාණයෙන් ගවයින් සොරකම් කිරිමේ ජාවාරමක නිරත වු බව කියන පුද්ගලයින් සිව් දෙනෙකු ගන්දර නාඔටුන්න ප්‍රදේශයේ දී  අත්අඩංගුවට ගෙන ඇත.

එම අවස්ථාවේ දී සැකකරුවන් ගමන් කරමින් සිටි සුඛෝපභෝගී වෑන් රථය පිටුපස දමා සිටි ගවයින් පස් දෙනෙකු සහ ඊට පෙර සොරකම් කර රැගෙන ගොස් සඟවා සිටි තවත් ගවයින් හත් දෙනෙකුද වැවහමන්දුව ප්‍රදේශයේ ලදු කැලෑවක ගැට ගසා තිබියදී පොලීසිය සොයා ගෙන තිබේ.

සිද්ධිය සම්බන්ධයෙන්  ගන්දර පොලීසිය පරීක්ෂණ පවත්වයි.