2025 සැප්තැම්බර් මස 19 වන සිකුරාදා
(රවීන්ද්‍ර විරාජ් අබයසිරි)
මාතලේ මවුස්සාගල විද්‍යාලයට ගුරුවරයකු ලබා දෙන ලෙස ඉල්ලා මධ්‍යම පළාත් සභා මන්ත්‍රීවරයකු සමග එම විද්‍යාලයේ දෙමාපියන් පිරිසක් සහ සිසුහූ පිරිසක් අද (13) මාතලේ කලාප අධ්‍යාපන කාර්යාල භුමියේ බිම වාඩි වී විරෝධතාවක නිරතවුහ.
මවුස්සාගල ප්‍රාථමික විද්‍යාලයට ද්‍රවිඩ මාධ්‍ය නවක ගුරුවරයකු මධ්‍යම පළාත් අධ්‍යාපන අමාත්‍යංශය විසින් එම විද්‍යාලයට පත්කරනු ලැබ ඇති බවත් එම ගුරුවරයා එක් දිනක් පමණක් එම විද්‍යාලයේ සේවය කර නගරයට ආසන්න විද්‍යාලයකට ස්ථාන මාරුවක් ලබාගෙන ගිය බවත් විරෝධතාකරුවෝ පැවසූහ.
මෙම විද්‍යාලයේ සිසුන් 19 දෙනකු අධ්‍යාපනය ලබන බවත් පන්ති පහටම එක ගුරුවරයකු පමණක් සිටින නිසා මෙම සිසුන්ට බලවත් අසාධාරණයක් සිදු වී ඇති බවත් එම විරෝධතාවට එක්වූ මධ්‍යම පළාත් සභා මන්ත්‍රී එම් සිවඥානම් මහතා පැවසීය.
තව ගුරුවරයකු ලබාදෙන තුරු මෙම විරෝධතාව පවත්වන බවත් ඒ මහතා කීය.
මේ පිළිබඳ මාතලේ කලාප අධ්‍යාපන අධ්‍යක්ෂ මහින්ද එස් යාපා මහතාගෙන් විමසීමේදී පැවසුවේ මෙම විරෝධතාවට තමන්ට කිසිවක් කළ නොහැකි බවත් නවක ද්‍රවිඩ මාධ්‍ය උපාධිධාරී ගුරුවරුන් පළාත් අධ්‍යාපන අමාත්‍යංශය මගින් පත්කර ඇති බවත් ය.
මේ සම්බන්ධයෙන් තමා වෙත කිසිදු දෙමාපියකු දැනුම් නොදුන් බවත් ඒ මහතා කීය.
2025 සැප්තැම්බර් මස 17
146
0
ක්ලීන්ටෙක් ප්‍රයිවට් ලිමිටඩ් ආයතනය, සිය තිරසාරත්වයෙන් යුතු ගමන්මගේ සුවිශේෂ සන්ධිස්ථානයක් සනිටුහන් කරමින් Zero Waste to Landfill (ZWL) සහතිකය දිනා ගැනීමට සමත් විය. සම
2025 සැප්තැම්බර් මස 11
1059
0
2007 නොබෙල් සාම ත්‍යාගයේ සම-ජයග්‍රාහකයා (උප සභාපති, IPCC-AR4) සහ 2021 නිල් ග්‍රහලෝක ත්‍යාගය(Blue Planet Prize) ලැබූ මහාචාර්ය මොහාන් මුණසිංහ මහතා
2025 සැප්තැම්බර් මස 11
294
0
ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 57 වැනි ශාඛාව පසුගියදා තඹුත්තේගම නගරයේදී විවෘත කෙරිණ. සියපත ෆි
ගුරුවරයකු ඉල්ලා මාතලේ විරෝධතාවක්