(සනත් ගමගේ)
 
අම්බලන්තොට කළමැටිය  කැස්බෑ අභය භූමියට අයත් වෙරළ තීරයේ දි අද(28) කැස්බෑ බිත්තර හාරමින් සිටි පුද්ගලයින් දෙදෙනෙකු අත්අඩංගුවට ගත් බව හුංගම කළමැටිය වනජීවී කාර්යාලයේ අඩවි සහකාර එල්.ටී ධම්මික මහතා කීය.
 
සැකකුරවන් දෙදෙනා සන්තකයේ කැස්බෑ බිත්තර 84 ක් තිබූ බව වනජීවි නිලධාරීහු පැවසූහ.
 
සැකකරුවෝ දෙදෙනා අම්බලන්තොට ප්‍රදේශයේ පදිංචිකරුවෝ වෙති.
 
ඔවුන් හම්බන්තොට මහේස්ත්‍රාත්වරයා හමුවට ඉදිරිපත් කිරීමට නියමිතව ඇත.
 
මේ දිනවල මුහුදු කැස්බෑවුන් වෙරළ තීරයට පැමිණ බිත්තර දමන හෙයින් වනජීවී නිලධාරීන් දැඩි සෝදිසියෙන් මුර සංචාරයේ  යෙදුණු අවස්ථාවේ දී මෙම සැකකරුවන් කැස්බෑ බිත්තර හාරමින් සිටිය දි අත්අඩංගුවට ගෙන ඇත.
 
හුංගම කළමැටිය වනජීවි කාර්යාලයේ අඩවි සහකාර  එල්.ටී ධම්මික, වනසත්ව නියාමක වරුන්  වන අනුරාධ සම්පත්, පුබුදු ප්‍රසන්න, කේෂ්ත්‍ර සහායක කවීන් චාමික, රියදුරු ඉන්දික රත්නායක යන මහත්වරු මෙම වැටලීමට සහභාගී වූහ.