(ඩී.කේ. රත්න )
ඌවපරණගම මලපොල රක්ෂිතය ආසන්නයේ පිහිටි රජයේ වන වගාවක අද  (26)  දහවල් ඇතිවු හදිසි ගින්නකින් එම වන වගාවේ අක්කර පහක් පමණ කොටසක් ගින්නෙන් විනාශ වී ඇතැයි ඌවපරණගම පොලීසිය පවසයි.
 
රජයේ වන වගාවකට අයත් පයිනස් හා ටර්පන්ටයින් ශාඛ ඇති ප‍්‍රදේශයක මෙම ගින්න ඇතිවී  තිබේ.
 
කිසියම් පුද්ගලයෙකු හෝ පිරිසක් විසින් මෙම වන වගාවට ගිනි ලබන්නට ඇතයි ඌවපරණගම පොලීසිය පවසයි.
 
මේ දින වල ප‍්‍රදේශයට පවතින වියළි කාලගුණික තත්වය හා සුළං තත්වය හේතුවෙන් ගින්න සීග‍්‍රයෙන් පැතිර ගොස් තිබේ. මෙම ගිනි ගැනීමත් සමග එම වන වගාවේ සිටි කුඩා සත්ව විශේෂ රැුසක්ම ගින්නෙන් විනාශවන්නට ඇතයි පොලීසිය කියයි.
 
ජල පෝෂක ප‍්‍රදේශයක් ආසන්නයේම පිහිටි මෙම වන වගාවේ ඇති වු ගින්න  වන සංරක්ෂණ නිළධාරින් ඌවපරණගම පොලීසිය හා ප‍්‍රදේශවාසින්  එක්ව මහත් පරිශ‍්‍රමයක් දරා  සම්පූර්ණයෙන්ම නිවා දමා තිබේ.
 
ඌවපරණගම  පොලිස් ස්ථානාධිපති පොලිස් පරීක්ෂක සේපාල රත්නායක මහතාගේ උපදෙස් පරිදි ඌවපරණගම පොලීසියේ නිළධාරීහු මේ පිළිබදව පරීක්ෂණ සිදු කරති.