(මුදිතා දයානන්ද)
මේ ආණ්ඩුව ගෙදර යැවීමේ සටන අපි විශ්වාසභංගයේ පරාජයෙන් අවසන් කරන්නේ නැහැ.පාර්ලිමේන්තුව තුළ ඉලක්කම් වලින් කුමක් පෙන්නුවත් ජනතාව ආණ්ඩුවට විරුද්ධයි. අපි ඒ බලවේගය එකතු කරනවා යැයි ජනතා විමුක්ති පෙරමුණේ නායක පාර්ලිමේන්තු මන්ත්රී අනුර කුමාර දිසානායක මහතා අද (12) පැවසීය.
ඔහු මේ බව පැවසූයේ පැලවත්තේ පිහිටි ජනතා විමුක්ති පෙරමුණේ ප්රධාන කාර්යාලයේදී පැවති මාධ්ය හමුවකදීය
අනුර කුමාර දිසානායක මහතා තවදුරටත් මෙසේද පැවසීය.
‘‘සහරාන්ලාගේ සමස්ත ක්රියාවලිය සම්බන්ධයෙන් බුද්ධි තොරතුරු වාර්තා කර තිබියදී ඒ සියල්ල සාපරාධි ලෙස නොසළකා හැරීමෙන් සිදුවූ අපරාධයක් ලෙසයි අපි අපේ්රල් 21 ප්රහාරය දකින්නේ. ඒකට කිසිසේත්ම සමාව දෙන්න බැහැ. ආණ්ඩුව තවදුරටත් බලයේ සිටීම යුක්ති සහගත වන්නේ නැහැ.
අපි විශ්වාසභංගයක් ගෙන එමින් අපේ කාර්යභාරය ඉටුකළා. ආණ්ඩුවට දොස් කියමින් ඔවුන් ගෙදර යවන්න කතා කරන විපක්ෂයට වගකීමක් තිබුණා මෙයට සහය දෙන්න. විපක්ෂයේ 118ක් සිටියා දෙමළ ජාතික සන්ධානයත් සමඟ ඔවුන් සියලූ දෙනා තමන්ගේ වගකීම ඉටු කළා නම් මේක දිනන්න තිබුණා.
මහින්ද මහත්තයා මේ විශ්වාසභංගයට සහය දෙන බව මුල සිටම ප්රකාශ කළා. ඒ ගැන ස්තූතිවන්න වෙනවා. ඒත් මහින්ද රාජපක්ෂ මහත්තයා සමඟ විපක්ෂයේ වාඩිවී සිටින අයගෙන් 13 ක් ඡන්දේ දෙන්න ආවේ නැහැ. ඔවුන් ගේන්න ඔහු සමත් වුණේ නැහැ. ආණ්ඩුවට එරෙහිව ගෙනා විශ්වාසභංගයේ විවාදයට එක්නොවූ විපක්ෂ නායකයා ලෙස මහින්ද ඉතිහාස ගතවෙනවා.
මඩකලපු පල්ලියේදී මිය ගිය අයගෙන් වැඩිදෙනෙක් දෙමළ ජාතිකයන්. ඔවුන්ගේ දුක වේදනාව ඔවුන්ට ඉටුවිය යුතු සාධාරණය කල්මුණේ ප්රාදේශීය ලේකම් කොට්ඨාසය දිනා ගැනීම වැනි කාරණාවකට දෙමළ ජාතික සන්ධානය පටු කළා. ඒක හරිම නින්දිතයි.
දැන් සමහරු කියනවා අපි විශ්වාසභංගය පරදින බව දැන දැනම ගෙනත් ආණ්ඩුව දිනවලා රනිල්ට ඔක්සිජන් දුන්නා කියලා. එහෙම නම් මහින්ද මහත්තයාගේ කණ්ඩායම පසුගිය වසරේ අප්රේල් 04 වෙනිදා මහබැංකු හොරකම පදනම් කරගෙන විශ්වාසභංගය පරාජය වීමෙනුත් සිදුවුණේ ඒකම නොවේද සිදුවුණේ? එදා පක්ෂව ලැබුණේ ඡන්ද 76යි. විපක්ෂව 122ක් ලැබුණා. එදා ඔවුන් රනිල්ව මහබැංකු හොරා කියන චෝදනාවෙන් නිදහස් කළා කියලා කවුරුවත් චෝදනා කළේ නැහැනේ. ඇයි මේ අවස්ථා දෙක දෙවිදිහකට දකින්නේ?‘‘
මත්තල රාජපක්ෂ ජාත්යන්තර ගුවන් තොටුපළින් විදේශ රැකියා සදහා පිටව යන ශ්රී ලාංකිකයන්ට ඉදිරියේ දී වට්ටම් ලබා දීමට රජය සුදානම් යැයි සංචාරක අමාත්ය ප්ර
පක්ෂයේ සංවිධාන ජාලය සහ ශාඛා සමිති ශක්තිමත් කරගැනීමේ දීප ව්යාප්ත වැඩපිළිවෙළක් මේ සති අන්තයේ සිට ආරම්භ කිරීමට සමගි ජනබලවේගය තීරණය කර තිබේ.
තම අභිමතාර්ථ ඉටුකරගැනීම වෙනුවෙන් පැය 24 ක් තුළ ව්යවස්ථා කෙටුම්පතක් ඉදිරිපත් කර ඇති ආණ්ඩුවට ජනතා අවශ්යතා වෙනුවෙන් මාස දහයක් තුළ කිසිවක් ඉටුකර ගැනීමට
විධායක ජනාධිපති ධූරයේ බලතල සීමාකර ප්රජාතන්ත්රවාදයත් පාර්ලිමේන්තුවත් ශක්තිමත් කිරීමට 19 වන සංශෝධනයට අත එස වූ පිරිස පාර්ලිමේන්තුවත් ප්රජාතන්ත්රව
තුනෙන් දෙකේ බලය පාවිච්චි කර ජනතාවගේ යහපත් අපේක්ෂාවන් ඉටු කරනවා වෙනුවට වර්තමාන ආණ්ඩුව පළවෙනි කැබිනට් මණ්ඩලයේ දීම 19 වන ව්යවස්ථා සංශෝධනය විසිකර දමා ජනත
සෞදි අරාබියේ වසර 30කට ආසන්න කාලයක් සේවය කරමින් සිටියදී මීට මාස දෙකකට පමණ පෙරදී රෝගාතුරවී සිහිසුන් තත්ත්වයෙන් එරට පෞද්ගලික රෝහලක ප්රතිකාර ලබමින් සිටි
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
‘‘පාර්ලිමේන්තුව තුළ ඉලක්කම් වලින් කුමක් පෙන්නුවත් ජනතාව ආණ්ඩුවට විරුද්ධයි‘‘