(ටී.කේ.ජී.කපිල )

ශ්‍රී ලංකාව චිත්‍රපට රූගත කිරීමේදී හොදම පසුබිම් දර්ශන සහිත රටක් බැවින් එය ලෝක සිනමා කර්මාන්තයේ අවදානයට ලක් කිරීමට සහ එය මෙරට සංචාරක කර්මාන්තයතයේ ප්‍රවර්ධනය සදහා දායක කර ගැනීමට , යොදා ගැනීමට සම්මානනීය ඉන්දීය ජාතික සිනමා අධ්‍යක්ෂ දීපා මෙහෙතා ( Deepa Mehta ) මහත්මිය දිවයිනට පැමිණියාය .

ජාත්‍යාන්තරය දිනූ සිනමා නිර්මාණකරණයේ දී ආචාර්ය ලෙස්ටර් ජේම්ස් පීරිස් මහතාගෙන් පසුව , විශාල වශයෙන් සිය නිර්මාණ සදහා , ශ්‍රී ලංකාවේ විවිධ ප්‍රදේශ , පසුබිම් දර්ශන සදහා යොදා ගත් සිනමා අධ්‍යක්ෂවරිය , දීපා මෙහෙතා මහත්මියයි .

ඇය විසින් ශ්‍රී ලංකාව තුළ රූගත කළ සිනමා නිර්මාණ ත්‍රිත්වයක් ඔස්කාර් සම්මාන උළෙලේ දී නිර්දේශිත නාමයන් අතරට ද පැමිණ තිබේ .

වෝටර් ( Water ) , මිඩ් නයිට්ස් චිල්රන්ඩ් ( Mid Night's Children ) සහ ෆනී බෝයි ( Funny Boy ) එම චිත්‍රපට ත්‍රිත්වයයි .

එයින් මිඩ් නයිට්ස් චිල්‍ රන්ඩ් සහ වෝටර් චිත්‍රපට දෙක හෙට (30) දින බෙන්තොට සිනමන් බීච් හෝටලයේ දී දෙස් - විදෙස් ප්‍රේක්ෂකයන් හමුවේ තිරගත කිරීමට නියමිතය .

මීට අමතරව ෆනී බෝයි චිත්‍රපටය ජූනි 01 දින කොළඹ සිනමන් ලයිෆ් හෝටලයේ දී ප්‍රදර්ශනය කිරීමට නියමිතය.