( තිළිණි ද සිල්වා සහ රංජන් කටුගම්පොළ )

වසරක 4 ක බරපතල සිරදඬුවම් නියමව අගුණකොළපැලැස්ස බන්ධනාගාරයේ රදවා සිටින හිටපු පාර්ලිමේන්තු මන්ත්‍රී රංජන් රාමනායක මහතා ශ්‍රී ලංකා විවෘත විශ්ව විද්‍යාලයේ කලා උපාධියක් හදාරමින් සිටින බවත්, එම අධ්‍යාපන කටයුතු සදහා පහසුකම් සලසන ලෙසට බන්ධනාගාර අධිකාරියට නියෝගයක් නිකුත් කරන්නැයි  මහතාගේ වෙනුවෙන් පෙනී සිටින ජනාධිපති නීතීඥ අනුර මැද්දේගොඩ මහතා ⁣අද (03) ශ්‍රේෂ්ඨාධිකරණයෙන් ඉල්ලීමක් කළේය.

මේ වන විට රාමනායක මහතා උපාධි පාඨමාලාවේ පලමු වසර අවසන් කර ඇති අතර, දෙවැනි වසරේ අධ්‍යයන කටයුතු සදහා අන්තර්ජාල කටයුතු සදහා සම්බන්ධ වීමට අත්‍යවශ්‍ය වී ඇති බැවින් ඊට පහසුකම් සලසන ලෙසට බන්ධනාගාර අධිකාරියට නියෝග කරන ලෙසද ජනාධිපති නීතීඥ අනුර මැද්දේගොඩ මහතා අධිකරණයෙන් ඉල්ලා සිටියේයය.

රංජන් රාමනායක මහතාට එරෙහි දෙවැනි අධිකරණ අපහාස නඩුව අද (3) එස්.එස්.තුරෙයිරාජා , ඒ.එච්.එම්.ඩී .නවාස් සහ අර්ජුන ඔබේසේකර  යන මහත්වරුන් ගෙන් සමන්විත ශ්‍රේෂ්ඨාධිකරණ විනිසුරු මඩුල්ලක් හමුවේ කැදවූ අවස්ථාවේදී මේ බව සදහන් විණි.

ඒ සදහා වන ඉල්ලීමක්  බන්ධනාගාර  අධිකාරියට යොමු කරන ලෙසත් , ගැටලුවක් ඇති වුවහොත් මෝසමක් මගින් ශ්‍රේෂ්ඨාධිකරණය දන්වන ලෙස අධිකරණය දැනුම් දුන්ටන්ය.