( හිරාන් ප්‍රියංකර ජයසිංහ )

පල්ලම මදවක්කුලම කම්මන්දළුව ප්‍රදේශයෙ පියෙකු තම පුත්‍රයාට වායු රයිපලක් යොදා ගනිමින් කළ වෙඩි තැබිමේන් තුවාල ලැබු පුතා ආණමඩුව රෝහලට ඇතුලත් කිරීමේන් පසු වැඩිදුර ප්‍රතිකාර සදහා පුත්තලම මූලික රෝහලට  මාරු කර යවා ඇති බව කියයි.

මෙලෙස වෙඩි ප්‍රහාරයට ලක්ව ඇත්තේ මදවක්කුලම කම්මන්දළුව ප්‍රදේශයේ 18 හැවිරිදි තරුණයකු බව පොලිසිය කියයි.

පියා මාංශ ආශ්‍රීත ව්‍යාපාරයක් කරගෙන යන බවත් ඔහු පවුලේ පිරිස් සමග නිරන්තරයෙන් ගැටුම් ඇති කර ගන්නා බවත් පුතා සමග ද නිරන්තරයෙන් ගැටුම් ඇති කර ගන්නා බවද පොලිස් පරික්ෂණ වලදි තහවුරු වී තිබේ.

 ඊයේ(18)   දහවල්ද පුතා සමග කිසියම් කරුණක් හේතුවෙන් බහින් බස් විමක් සිදුව ඇති බවත් එයින් පසු පියා විසින් යකඩ දිග යකඩයක් ගෙන පුතාට පහර දීමක් කර ඇති බවත් එහිදි පුතාගේ පාදයකට දරුණු පහරක් වැදි ඇති බවත් කියයි.

ඉන් පසුව තම පියාගේ පහර දීම් වලින් බේරීම සදහා පුතා දිව යද්දි පියා විසින් නිවසේ ඇති වායු රයිපලයක් ගෙන වෙඩි තැබිමක් සිදු කර ඇති අතර මෙම වෙඩි පහර පුතාගේ උරහිස දෙසට වැදි ඇති බවත් කියයි.

පසුව ප්‍රදේශවාසින් විසින් පුතාව කඩිනමින් ආණමඩුව රෝහලට ඇතුලත් කර තිබු අතර එහිදි වැඩිදුර ප්‍රතිකාර සදහා පුත්තලම මූලික රෝහලට ගිලන් රථ මගින් රැගෙන යාමට කටයුත කර තිබුනී.

සිද්දියට සම්බන්ධයෙන් පල්ලම පොලිසිය පියා අත් අඩංගුවට ගැනිමට යාමේදි ඔහු නිවසේ උඩු මහලේ සැගව සිටි බවත් පසුව අත් අඩංගුවට ගැනිම සිදුවු බව කියයි.