දකුණු අප්‍රිකාවේ ජොහැන්නස්බර්ග් අසල නගරයක තැබෑරුමක සිදු වූ වෙඩි තැබීමකින් පුද්ගලයන් 09 දෙනකු මිය ගොස් තවත් 10 දෙනකු තුවාල ලබා ඇති බව විදෙස් මාධ්‍ය වාර්තා කරයි.

බෙකර්ස්ඩල් නගරයේ පිහිටි බලපත්‍රලාභී තැබෑරුමක් වෙත මෝටර් රථ දෙකකින් පැමිණි හඳුනා නොගත් තුවක්කුකරුවන් 12 දෙනකු පමණ මෙම වෙඩි තැබීම සිදුකර ඇත.

බෙකර්ස්ඩල් නගරයේ දේශීය වේලාවෙන් ඉරිදා (GMT සෙනසුරාදා 23:00) අලුයම 01:00 ට පමණ සිදු වූ මෙම වෙඩි තැබීමට සම්බන්ධ අය සොයා මෙහෙයුමක් ක්‍රියාත්මක බව එරට පොලිසිය පැවසු බව විදෙස් මාධ්‍ය සඳහන් කරයි.

එක්සත් ජාතීන්ගේ මත්ද්‍රව්‍ය හා අපරාධ පිළිබඳ කාර්යාලයේ 2023-24 සංඛ්‍යාලේඛනවලට අනුව, දකුණු අප්‍රිකාව ලෝකයේ ඉහළම මිනීමැරුම් අනුපාතවලින් එකක් වන අතර එය 100,000 කට පුද්ගලයින් 45 කි.

(අන්තර්ජාලය ඇසුරෙන් හසිනි නවෝද්‍යා)