(බී.ජී.චතුරංග, උපාලි ආනන්ද සහ දයාරත්න ඇඹෝගම)

තලාව ජයගඟ ප්‍රදේශයේ අද දහවල් සිදු වූ අනතුරින් උසස් පෙළ සිසුවකු මියගොස් තවත්  46 දෙනකු තුවා ලබා ඇතැයි පොලිසිය කියයි. 

තලාව සිට 411 ගම්මානය දක්වා ධාවනය වූ පෞද්ගලික බසයක් ගං ඉවුරෙන් පහළට පෙරලීමෙන් මෙම අනතුර සිදුව තිබේ.

අනතුරට පත් වූ බසයේ මෙවර උසස් පෙළ විභාගයට පෙනී සිටි දරුවන්, පාසල් දරුවන් වෙනුවෙන් තලාවේ පැවැත් වූ සම්මන්ත්‍රණයකට සහභාගී වූ සිසුන් මෙන්ම ගම්වාසීන්ද ගමන් කර ඇත.

තුවාල කරුවන්ගෙන් 37 දෙනකු අනුරාධපුර රෝහලට මාරු කර යවා ඇති අතර ඉන් සිවු දෙනකුගේ තත්වය බරපතල බව රෝහල් ආරංචි මාර්ග කියයි.තවත් තුවාලකරුවන් 10 දෙනකු තලාව රෝහලේ ප්‍රතිකාර ලබයි.

අනතුර වන අවස්ථාවේ  බස් රථයේ මගින් 60 දෙනකු පමණ ගමන් කර ඇතැයි ද පොලිසිය කියයි.  

--------------------------------------------------------------

තලාවේ ලොකු අනතුරක්

(උපාලි ආනන්ද, බී.ජී.චතුරංග සහ දයාරත්න ඇඹෝගම)

තලාව ජයගඟ ප්‍රදේශයේදී බස් රථයක් අනතුරට පත්වීමෙන් කීප දෙනකු මියගොස් 20ක් පමණ පිරිසක් තුවාල ලබා ඇතැයි තහවුරු නොවූ පුවත් වාර්තා කරයි.

තලාව සිට 411 ප්‍රදේශයේ සිට ධාවනය කළ බස් රථයක් අනතුරට ලක් වී ඇත. අනතුර සිදුවන අවස්ථාවේ බස් රථයෙන් 50ක් පමණ පිරසික් ගමන් කර අත.

තුවාලකරුවන්ගෙන් කීප දෙනකුගේ තත්වය බරපතල බව ද රෝහල් ආරචි මාර්ග කියයි.

තුවාලකරුවන් අතර අපෙස උසස් පෙළ විභාගයට අද පෙනී සිට ආපසු නිවෙස් බලා යමින් සිටි සිසු සිසුයන් පිරිසක් ද සිටින බව රෝහල් ප්‍රකාශකයෙක් පැවැසීය.