DFCC බැංකුව පසුගියදා JAT හෝල්ඩින්ග්ස් සමාගම සමග විශේෂ හවුල්කාරීත්වයකට අත්සන් තැබීය. මේ යටතේ DFCC බැංකුවේ ක්‍රෙඩිට් කාඩ්පත් හිමියන්ට, JAT හෝල්ඩින්ග්ස් විසින් මෙරට වෙළෙඳපොළට හඳුන්වා දෙනු ලැබ ඇති ඉහළම තලයේ භාණ්ඩ එකතුවක් සඳහා පොලී රහිත පහසු ගෙවීමේ ක්‍රම සහ දීමනා හිමිවනු ඇතැයි එම ආයතන සඳහන් කරයි.

මෙම හවුල්කාරීත්වය යටතේ, JAT හෝල්ඩින්ග්ස් වෙතින් මිලදී ගන්නා Herman Miller කාර්යාලයීය පුටු, මේස සහ වෙනත් භාණ්ඩ සහ SEA German Kitchens නිෂ්පාදන සඳහා මාස 12ක පොලී රහිත පහසු ගෙවීමේ ක්‍රම ලබාගත හැකිය. එමෙන්ම 2021 සැප්තැම්බර් 30 වැනිදා දක්වා ලබාගන්නා නව DFCC ක්‍රෙඩිට් කාඩ්පත් සඳහා සාමාජික ගාස්තු සහ ප්‍රථම වර්ෂය සඳහා අදාළ වාර්ෂික ගාස්තු අය නොකිරීමට ද DFCC බැංකුව තීරණය කර ඇත. එපමණක් නොව JAT හෝල්ඩින්ග්ස් නිෂ්පාදන ඇතුළුව ඕනෑම නිෂ්පාදනයක් DFCCක්‍රෙඩිට් කාඩ්පත් භාවිතයෙන් මිලදී ගැනීමේදී සියයට 1ක Cashback දීමනාවක් ලබාදීමට ද DFCC බැංකුව කටයුතු යොදා තිබේ.

DFCC බැංකුව සහ JAT හෝල්ඩින්ග්ස් අතර ඇති කරගත් මෙම හවුල්කාරීත්වයේ මූලික අරමුණ වන්නේ Herman Millerසහ SEA German Kitchensනිෂ්පාදන වැනි ඉහළම තලයේ නිෂ්පාදන මිලදී ගැනීමේදී පාරිභෝගිකයන්ට මුහුණ දීමට සිදුවිය හැකි මූල්‍යමය බාධක අවම කිරීමය.

තලවතුගොඩ සහ One Galle Faceසාප්පු සංකීර්ණයේ පිහිටි JAT Experience ප්‍රදර්ශනාගාර වෙත පැමිණ මිලදී ගැනීම් සිදුකරන DFCC ක්‍රෙඩිට් කාඩ්පත් හිමියන්ට මෙම දීමනා හිමි කරගැනීමට හැකිවනු ඇත.