IMG-LOGO

2025 මැයි මස 11 වන ඉරිදා


ගැබිනි මවට, වැඩිහිටි අයට ලිස්ටීරියා අවදානම්

‘Listeria monocytogenes‘ ගැන මේ වනවිට ඔබ දන්නවා ඇත. තවද එකී රෝගී තත්ත්වය ගැන සමාජයේ  විවිධ මතද පවතින්නට පුළුවන. එබැවින් මේ රෝගය ගැන යම් තරමින් හෝ අවබෝධයක්  ලබා තිබීම අවශ්‍යයා. මේ වෑයම ඒ උදෙසාය.   පසුගියදා සිට කොළඹින් බැහැර ප්‍රදේශවලින් ලිසිටීරියා රෝගීන් වාර්තා විණි.

‘Listeria monocytogenes‘ හැඳින්වීම

මෙම බැක්ටීරියා විශේෂය විවිධ පාරිසරික ස්ථානවල සොයා ගත හැකිය. ස්වභාවික පරිසරයේ ,ජලයේ මෙන්ම ගොවිපල ආශ්‍රිත පරිසර පද්ධතිවලද මෙය මනාව වැඩේ. ඒ වගේම සිසිල් ස්ථාන එනම් ශීතකරණ තුළ වුවද හට ගැනේ. එළවළු, පලතුරු, කිරි ආශ්‍රිත නිෂ්පාදනවලද

( මෘදු චීස්, පැස්චරීකරණය නොකළ කිරි) මෙකී විසබීජය වැඩීම නිසා ඉතා පහසුවෙන් සහ ඉක්මනින් එවැනි ආහාර අපිරිසුදු වීමටත් ,භාවිතයට ගත නොහැකි ලෙස නරක් වීමටත් පටන් ගැනේ.

බැක්ටීරියාව අවදානම් කණ්ඩායම්

මෙම බැක්ටීරියාව ඇතැම් රෝගීන්ට ශරීර ගත වුවහොත් මාරාන්තික තත්ත්වයක් දක්වා වර්ධනය වීමට පිළිවන. එවන් කණ්ඩායම් වනුයේ ගර්භනී කාන්තාවන්, අලුත උපන් බිළිඳුන්, අවුරුදු 65ට වඩා වැඩි වයස්ගතවූවන්, ප්‍රතිශක්තිකරණ ඌනතා සහිත පුද්ගලයන්ය.

ආහාර විස වීමක්

බොහෝවිට ලිස්ටීරියා ආසාදිත ආහාර පාන ගැනීමෙන් ආහාර විස වීමක් ඇතිවිය හැකිය. ආහාරය ගෙන දින කිහිපයකින් පමණ උණ හට ගත හැකි අතර වමනය, පාචනය වුවද ඇති වීමට හැකි ඉඩකඩ වැඩිය. මෙම රෝගී තත්ත්ව සුළු වශයෙන් ඇති වී සුව වී යයි. මෙවැනි විටෙකදී විශේෂ ප්‍රතිකාර අවශ්‍ය නොවේ.

ප්‍රතිකාර ගත යුතු අවස්ථාව

එහෙත් මෙම විසබීජය ගර්භනී මවකට හෝ වයෝවෘද්ධ පුද්ගලයකුට හෝ නිදන්ගත රෝගයකින් පීඩා විඳින ප්‍රතිශක්තිය ඌන පුද්ගලයකුට ශරීර ගත වුවහොත් තත්ත්වය දරුණු වේ. මෙකී විසබීජය රුධිරය හරහා ගොස් මස්තිශ්ක තරළ ආසාදනයක් දක්වා තත්ත්වය වර්ධනය කරවයි. මෙවැනි විටෙකදී නිසි ප්‍රතිකාර නොලදහොත් මාරාන්තික විය හැකි අතරම විශේෂිත ප්‍රතිකාර ක්‍රමද අවශ්‍ය වේ.

ශරීර ගත වීම

විසබීජ මගින් අපිරිසුදු වූ ආහාර සහ පාන ගැනීමෙන් ඉතාම පහසුවෙන් මෙම විසබීජය ශරීර ගත වීමට පුළුවන. එනිසා ආහාර සුරක්ෂිතතාව ඉතාම වැදගත් සාධකයක් වනු ඇත. මෙම රෝගය පුද්ගලයකුගෙන් තවත් පුද්ගලයකුට බෝ නොවේ.

ගැබිණි මවකට ඇති අවදානම

අවදානම් කාණ්ඩයක් ලෙස ගැබිණි මවකට රෝගකාරක බැක්ටීරියාව ඇතුළු වුණොත් මුලදී වමනය, පාචනය වැනි සුළු රෝගී ලක්ෂණ ඇති වේ. එහෙත් විසබීජය වැදෑමහ හරහා දරුවාට ඇතුළු වීම මගින් ,පළමු මාසවලදිම කළලය විනාශ විය හැකිය. දරුවා බිහි වීමට ආසන්න මවකට නම් ඉපදුණු පසු දරුවාට meningitis ඇති වීමට පුළුවන. මෙම තත්ත්වයට ප්‍රතිකාර නොලද හොත් මාරාන්තික තත්ත්වයක් දක්වා වර්ධනය වේ.

විසබීජය විනාශ කිරීම

පැස්චරීකරණය සහ ආහාර හොඳින් පිසීම, ජලය මනාව රත් කර ගැනීමෙන් විසබීජය විනාශ වී යයි. ඒ අනුව ආහාර පිස ගැනීම මෙන්ම ජලය පානය කිරීමේදීත් සෞඛ්‍යාරක්ෂිත ක්‍රම අනුගමනය කළ යුතුවේ.

වැලැක්වීම

ආහාර ගබඩා කිරීමේදී පිසූ සහ නොපිසූ ආහාර එකිනෙක ස්පර්ශ වන අයුරින් නොතබන්න. ශීතකරණවල ආහාර ඇසිරීමේදී මෙවැනි ආහාර වෙන වෙනම ඇසිරීමට වගබලා ගන්න.

ආහාර ගැනීමේදී හොඳින් පිස ගන්න.

ආහාර ගබඩා කිරීමේ නිවැරැදි ක්‍රමවේද ගැන දැනුවත් වෙන්න.

හොඳින් නටවා උණුකර ගත් ජලය පානය කරන්න.

චාරිකා සඳහා සහභාගි වන්නන් ආහාර පාන ගැනීමේදී නිවසේදී සකසා ගත් ආහාර භාවිත කරනවා නම් රෝග බොහොමයකින්ම වැලකීමට පුළුවනි. එවගේම ඔබ ආහාර පිටින් මිලදී ගන්නේ නම් සෞඛ්‍යාරක්ෂිත බව රැකෙන අයුරින් සැකසුණු ආහාර පමණක් මිලදී ගැනීමට උත්සුක වන්න. බාහිරෙන් මිලදී ගන්නා සෑම ආහාරයකම කල් ඉකුත් වීමේ දිනය ගැන සුපරික්ෂාකාරී වන්න.

-සටහන- මාධවී ධර්මරත්න



අදහස් (0)

ගැබිනි මවට, වැඩිහිටි අයට ලිස්ටීරියා අවදානම්

ඔබේ අදහස් එවන්න

 

 
 

දියත

ගින්නට හසු වූ තිදරු පියා මරුට
2025 මැයි මස 11 118 0

කොස්ලන්ද මීරියබැද්ද ප්‍රදේශයේ පුද්ගලයෙකු නිවසේ දී ගින්නකට හසු වී අද (11) ජීවිතක්ෂයට පත්වී ඇති බව කොස්ලන්ද පොලීසිය පැවසීය.


‘තුවාල වූ අය බේරගන්න උපරිමය කරන්න‘
2025 මැයි මස 11 719 0

කොත්මලේ බස් අනතුරින් තුවාල ලැබූවන් සුවපත් කර ගැනීම සඳහා හැකි උපරිමයෙන් දායකත්වය ලබා දෙන්නැයි ජනාධිපති අනුර කුමාර දිසානායක මහතා ප්‍රදේශයේ රෝහල් වලටත


රැඳවියන්ට වෙසක් තෑග්ගක්
2025 මැයි මස 11 170 0

වෙසක් පුර පසළොස්වක පෝය දිනය නිමිත්තෙන් බන්ධනාගාර ගත රැඳවියන්ට විවෘතව අමුත්තන් බැලීම සඳහා (OPEN VISIT) මැයි මස 12 හා 13 විශේෂ අවස්ථාවක් ලබාදීමට බන්ධනාගාර දෙ


සිද්ධස්ථාන දෙකක් පූජා භූමි කරයි
2025 මැයි මස 11 690 0

2025 රාජ්‍ය වෙසක් මහෝත්සවය වෙනුවෙන් සිද්ධස්ථාන දෙකක් පූජා භූමි ලෙස ප්‍රකාශයට පත් කර තිබේ.


වෙසක් සඳ ඔක්කොම එක් කරයි
2025 මැයි මස 11 284 0

රාජ්‍ය වෙසක් දින උත්සව සැමරුම සඳහා සිංහල, දෙමළ සහ මුස්ලිම් සියලු ජනතාව එකාවන්ව සහභාගී වී සිටීම විශේෂත්වයක් විය.


අහසට වෙඩි තබා අසල්වැසියා බය කරලා
2025 මැයි මස 11 453 0

ගිනි අවියකින් අහසට වෙඩි තබා අසල්වාසී පුද්ගලයකුට මරණීය තර්ජනය කළ සැකකරු අත්අඩංගුවට ගත් බව ගල්කිස්ස මූලස්ථාන පොලිසිය කියයි.


මේවාටත් කැමතිවනු ඇති

හරිත සරසවියේ දෙවැනි අදියර පිම්මක් ඉදිරියට පනී 2025 මැයි මස 09 998 0
හරිත සරසවියේ දෙවැනි අදියර පිම්මක් ඉදිරියට පනී

ශ්‍රී ලංකාවේ විශිෂ්ටතම මට්ටමේ ජාත්‍යන්තර සරසවිය වූ NSBM හරිත සරසවිය ජාතියේ පහන් ටැඹ ලෙස විරුදාවලිය ලත් ලංකා බැංකුව සමග රුපියල් බිලියන 7.3ක් හෙවත් රුපියල්

First Capital සමාගම සමඟ එක් වී ඒකක භාර අරමුදල් ආශ‍්‍රිත ආයෝජනය කර ආකර්ෂණීය ප‍්‍රතිලාභ අත් විඳින්න 2025 අප්‍රේල් මස 29 1437 1
First Capital සමාගම සමඟ එක් වී ඒකක භාර අරමුදල් ආශ‍්‍රිත ආයෝජනය කර ආකර්ෂණීය ප‍්‍රතිලාභ අත් විඳින්න

රටක් දියුණු වීමට නම්, ජනතාව තුළ නිවැරදි මුල්‍ය සාක්ෂරතාවක් පැවතීම අනිවාර්ය වේ. එමෙන් ම මුදල් ඉතිරි කිරීම හා ආයෝජනය කිරීම පිළිබඳ දැනුම මෙන් ම අදාළ ක‍්‍ර

HelpAge Sri Lanka ඉදිරිපත් කරන ’Symphony of Hope’  - පෙනීම යළි ලබා දීම වෙනුවෙන් වූ පුණ්‍ය ප්‍රසංගය 23 වැනි දා. 2025 අප්‍රේල් මස 29 371 2
HelpAge Sri Lanka ඉදිරිපත් කරන ’Symphony of Hope’  - පෙනීම යළි ලබා දීම වෙනුවෙන් වූ පුණ්‍ය ප්‍රසංගය 23 වැනි දා.

අසරණභාවයට පත් වැඩිහිටි පුද්ගලයන් ගේ ජීවිතවලට ආලෝකයක් ගෙන දෙන HelpAge Sri Lanka ආයතනය, HelpAge අක්ෂි රෝහල සඳහා අරමුදල් රැස් කිරීමේ අරමුණින් Symphony of Hope නමින් විශේෂ පුණ්‍ය ප

Our Group Site