(යොහාන් භාසුර , ලක්නව් එකානා ක්‍රිකට් ක්‍රීඩාංගණයේ සිට)

ලෝක කුසලාන එක්දින ක්‍රිකට් තරගාවලියේ පළමු වටයේ 14 වැනි  තරඟය ලෙස ශ්‍රී ලංකාව සහ ඕස්ට්‍රේලියාව අතර ලක්නව් එකානා ක්‍රිකට් ක්‍රීඩාංගණයේ දැන් පැවැත්වෙන තරගයේ පළමුව පන්දුවට පහරදුන් ශ්‍රී ලංකා පිල ඕවර 43.3 ලකුණු 209 කට සීමා විය.

ඕස්ට්‍රේලියානු පිල ජයග්‍රහණය සඳහා ඕවරයකට ලකුණු 4.02 ක සාමාන්‍යයක් පවත්වමින් ලකුණු 210 ක් රැස්කළ යුතුය.

නායකයො කුසල් මෙන්ඩිස් (9), සදීර සමරවික්‍රම (8) සහ ධනංජය ද සිල්වා (7) ඇතුළු ඉදිරිපෙළ සහ මැදපෙල පිතිකරුවන් අසාර්ථක වීමෙන් ශ්‍රී ලංකා පිලට ලකුණු 209 කට සීමා වීමට සිදුවිය.

ශ්‍රී ලංකා ආරම්භක පිතිකරු යුගලය පැතුම් නිස්සංක  සහ කුසල් පෙරේරා ලකුණු 125 ක සම්බන්ධතාවක් පවත්වමින් ප්‍රබල තත්ත්වයකට රැගෙන ආවද  සෙසු පිතිකරුවෝ එම වාසිය රැක ගැනීමට අසමත් වූහ.

කුසල් පෙරේරා කලකට පසුව සාර්ථක වෙමින් පන්දු 82 කදී හතරේ පහර 12 ක් සමගින් ලකුණු 78 ක් රැස් කළේය.
පැතුම් නිස්සංක පන්දු 67 කදී හතරේ පහර 8 ක් සමගින් ලකුණු 61 ක් ලබා සිටියදී පළමු කඩුල්ල ලෙස දැවී ගියේය.
ශ්‍රී ලංකා පිල ඕවර 43.3 කදී සියලු  දෙනා දැවී 209

(පැතුම් නිස්සංක 61, කුසල් පෙරේරා 78, චරිත් අසලංක 25,  මිචෙල් ස්ටාක් 43/2, පැට් කමින්ස් 32/2, ඇඩම් සම්පා 47/4)