වරප්‍රසාද ලැබූ අය අල්ලාගෙන සිටි ජනපති අරමුදල දැන් ජනතාවගේ

(අංජුල මහික වීරරත්න)

වරප්‍රසාද ලත් පිරිසක් විසින් ඔවුන්ගේ වරප්‍රසාදයක් බවට පත් කරගෙන සිටි ජනාධිපති අරමුදල වත්මන් රජය යටතේ සීයට සීයක් ජනතාව වෙනුවෙන් භාවිත වන බව අග්‍රාමාත්‍ය ආචාර්ය හරිනි අමරසූරිය මෙනවිය පැවැසුවාය.

2023 සහ 2024 අ.පො.ස. (උසස් පෙළ) විභාගයේ ප්‍රතිඵල මත දිවයිනේ සෑම දිස්ත්‍රික්කයක්ම ආවරණය වන පරිදි එක් එක් විෂය ධාරාව යටතේ විශිෂ්ට දක්ෂතා දැක් වූ සිසු දරු දැරියන් ඇගයීමට ජනාධිපති අරමුදල විසින් ගනු ලැබූ තීරණයට අනුව, විශිෂ්ට දක්ෂතා දැක්වූ දරු දැරියන් ඇගයීමේ මධ්‍යම පළාත් වැඩසටහන⁣ට එක්වෙමින් අග්‍රාමාත්‍යවරිය මේ බව කීවාය.

මහනුවර දිස්ත්‍රික් ලේකම් කාර්යාලයේදී මෙම වැඩසටහන පැවැත්විණි.

"ජාතික අරමුදල පිළිබඳ කතා කරද්දී අපට ගොඩක් අහන්න ලැබෙන්නේ ජනාධිපති අරමුදල අවභාවිත වූ ආකාරය ගැනයි. වරප්‍රසාද ලැබුණු පිරිසක් විසින්ම තමන්ගේ වරප්‍රසාද වගේම ප්‍රතිලාභ වැඩි කරගන්න මේ අරමුදල අවභාවිත කරලා තියෙනවා.

ඒ වගේම මානව සම්පත දියුණු කිරීමේ රජයේ ප්‍රමුඛ කාර්යයක් විදිහට රජය හඳුනා ගෙන තියෙනවා. ඒ අරමුණ ඇතිව අපි අධ්‍යාපනයට ආයෝජනය සිදු කරනවා. ඒ ආයෝජනය මුදල් අතින් පමණක් නෙවෙයි අනෙක් සියලු අංශවලින් ද සිදු කරනවා යනුවෙන් ද අග්‍රාමාත්‍යවරිය කීවාය.

අදහස් (6)

වරප්‍රසාද ලැබූ අය අල්ලාගෙන සිටි ජනපති අරමුදල දැන් ජනතාවගේ

Nihal Monday, 15 September 2025 01:13 AM

ඒක ඇත්ත, ජනාධිපති අරමුදලෙන් මිලියන ගණනින් දේශපාලකයං ගත්තා අපි බලාගෙන

: 0 0

Nishan Monday, 15 September 2025 05:21 AM

මම දන්න දහයක් පහලවක් සාමාන්‍ය මිනිස්සු ජනාධිපති අරමුදලෙන් ආධාර අරන් වකුගඩු සැත්කම්, බයිපාස් සැත්කම්, පිළිකා රෝගෙට විදේශ ප්‍රතිකාර ලබා ගත්තා. මේ කියනවා ඇත්තේ වෙන ජනාධිපති අරමුදලක් ගැන වෙන්න ඇති. නමුත් පැලවත්තේ ට්‍රිලියන ගාණක අරමුදල ගැන නම් වෙන්න බෑ. ඒක මාලිමාවේ ලොක්කෝ සඳහාම පමණයි.

: 2 0

Shelton Monday, 15 September 2025 05:34 AM

ජේවීපීය විසින් රට කෑවා කියා මරන්න හදපු ජේ.ආර් ජයවර්ධන ජනාධිපති තුමාගේ වැඩක් ඔය ජනාධිපති අරමුදල කියන්නේ.

: 3 0

ගුණරත්න Monday, 15 September 2025 08:12 AM

මගුල් ගෙදරක හෝ මරණ ගෙදරකට ගිහින් ස්තුති කතාවට දේශපාලන කතාවක් කරනවා වගේ තමයි අගමැතිතුමියගේත් කතාව. ඔය ශිෂ්‍යයන්ගේ ඔලු කුරුවල් කෙරිල්ල ජවිපෙ මාලිමා ප්‍රතිපත්තියක් නිසා අවුල තේරෙන්නේ නැතිව ඇති.

: 3 0

Perera Monday, 15 September 2025 08:38 AM

මගේ චන්දය මාලිමාවට සහ අනුර සහෝදරයාට දුන්නු එකෙන් රටට පාඩුයි බව ටික ටික අවබෝධ වෙනවා

: 4 0

අරවින්ද මොණරවිල Monday, 15 September 2025 11:06 AM

ඔය කරන වැඩ වලින් වැඩියෙන්ම රිදෙන්නෙ ප්‍රභුන්ට වඩා ඔවුන්ගේ කසළ ශෝධකයන්ට හරිනි මැඩම් !

: 0 1